އައްޑޫ ސިޓީ ހުޅުދޫގެ ގިނަ އަދަދެއްގެ ބަޔަކު ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒަށް ތާއީދުކޮށް ޕީޕީއެމްއާއި ގުޅިއްޖެއެވެ.
ރިޔާސީ އިންތިޚާބުގެ ދެވަނަ ބުރުގައި މުއިއްޒު ރަށްތަކަށް ކުރައްވާ ދަތުރުފުޅު ނިންމަވާލެއްވުމަށް ރޭ އައްޑޫ ސިޓީ ހުޅުދޫއަށް ވަޑައިިގެނެވުމުން އެރަށުން ވަނީ ވަރަށް ހޫނު މަރުޚަބާއެއް ދަންނަވާފައެވެ. މުއިއްޒަށް މަރުޚަބާ ދެންނެވުމުނަށް މިރޭގެ ސަފުގައި ގިނަ އަދަދެއްގެ އެމްޑީޕީ މެމްބަރުންވެސް ތިއްބެވެ.
ހުޅުދޫއިން ރޭ މުއިއްޒަށް ތާއީދުކޮށް ޕީޕީއެމްއާއި ގުޅުނު މީހުންގެ ތެރޭގައި ގިނައީ އެމްޑީޕީއަށް ނިސްބަތްވާ ޒުވާނުންނެވެ. މިބޭފުޅުން ޕީޕީއެމްއާއި ގުޅުމުން މުއިއްޒު ވަނީ ވަރަށް ހޫނު މަރުހަބާއެއް ދަންނަވާފައެވެ. އަދި ސިޔާސީ ވިސްނުމާއި ފިކުރު އެއްފަރާތްކޮށް ޤައުމީ ވިސްނުމުގައި ޤައުމުގެ ހަމަޖެހުމާއި ތަރައްޤީއަށް ތާއީދުކޮށް ގިނަ ބަޔަކު ގުޅެމުންދާކަމީ އުފާ ކުރައްވާ ކަމެއްކަމަށް މުއިއްޒު ވިދާޅުވިއެވެ.
މުއިއްޒު ވިދާޅުވީ އެމްޑީޕީގެ ގިނަ މެމްބަރުންނަކީވެސް ޤައުމުދެކެ ލޯބިވާ ޤައުމަށް ހެޔޮގޮތް އެދޭ މީހުންކަމަށެވެ. މިއަދު ފެނިގެންދާ މަންޒަރަކީ އެމަންޒަރު ކަމަށެވެ. އައްޑު ސިޓީ ހުޅުދޫއަކީ ފުރަތަމަ ބުރުގައިވެސް ވަރަށް ބޮޑު ޢައުލަބިއްޔަތެއް މުއިއްޒަށް ދިން ރަށެކެވެ.
ކޮމެންޓު ފޮނުވާ