މާލޭގައި ފުލުހުން ހިންގި އޮޕަރޭޝަނުގައި 71 ކިލޯގެ މަސްތުވާތަކެއްޗާއެކު 10 މީހަކު ހައްޔަރުކޮށްފައިވާކަމަށް ފުލުހުން ވިދާޅުވެއްޖެއެވެ.
މި އޮޕަރޭޝަނުގައި ފެނުނު މަސްތުވާތެކި ހުރީ 2 ލަގެޖާއި 2 ގޯނީގައިކަމަށް ފުލުހުން ވިދާޅުވެއެވެ. މިތަކެތި ފެނިފައިވަނީ ފަރީދީ މަގުގައި އޮތް ކާރެއްގެ ތެރެއިން ކަމަށްވެސް ފުލުހުން ވިދާޅުވެއެވެ. އަދި މިތަކެތީގެ އަގު ރާއްޖޭގެ ރުފިޔާއިން އަގު ކުރާނަމަ 71 މިލިޔަން ރުފިޔާއަށް ވުރެ މަތިވާނެކަމަށް ކަމިޝަނާ އޮފް ޕޮލިސް މުހައްމަދު ހަމީދު ވިދާޅުވިއެވެ.
އަތުލައިގަތް މަސްތުވާތަކެއްޗަކީ މީގެ ހަފުތާއެއްހާ ދުވަސްކުރިން ފުލުހުން ކަނޑުމަތިން ފާރަލަމުން އައި އެއްޗެކެވެ. އެ އެއްޗެހި މާލެ އަށް ބާލައި ކާރަށް އަރުވާފައި ދުއްވަން ފެށިތަނުން އެ ކާރު ފުލުހުން ހުއްޓުވީ މިއަދު މެންދުރެއްހާ އިރުގައެވެ. ޒަމާނީ، ފަހުގެ އަޅިކުލައިގެ އެ ޕްރައިވެޓް ކާރުގެ ބޮނެޓާއި ޑިކީ އާއި އެހެން ދޮރުތައް ވެސް ނައްޓައިގެން ފުލުހުން އޭގައި ހުރި މަސްތުވާތަކެތި ނަގާފައެވެ.
Seized approximately 71 kgs of heroin that would have a street value of MVR 71 million. Here is a photo of 4 packets out of 71 we found in 4 bags in the car. Despite deficiencies in the criminal justice system, we will continue to disrupt the trafficking of narcotic drugs. pic.twitter.com/HpoBR3V1RV
— Mohamed Hameed (@M_Hameedh) December 8, 2020
ކޮމިޝަނަރ އޮފް ޕޮލިސް މުޙައްމަދު ޙަމީދު ކުރެއްވި ޓުވީޓެއްގައި ވިދާޅުވީ މި އޮޕަރޭޝަނަކީ މަސްތުވާތަކެތި އެތެރެކުރާކަމުގެ މަޢުލޫމާތު ލިބިގެން ފުލުހުންގެ ޑްރަގް އެންފޯސްމަންޓް ޑިޕާޓްމަންޓާއި މެރިން ޕޮލިސް ގުޅިގެން މީގެ ހަފްތާއެއްހާ ދުވަސްކުރިން އެއްގަމާއި ކަނޑުގައި ފެށި އޮޕަރޭޝަނެއް ކަމަށެވެ. އަދި މިއޮޕަރޭޝަނާއި ގުޅިންހުރި އިތުރު މަޢުލޫމާތު އޮޕަރޭޝަނާއި ގުޅުންހުރި ތަޙުގީގީ މަސައްކަތްތައް ނިމުމުން ހާމަކުރައްވާނެކަމަށްވެސް ސީޕީ ވިދާޅުވިއެވެ.
ފަހަކަށް އައިސް ފުލުހުންދަނީ ޑްރަގްގެ ޚާއްޞަ އޮަޕރޭޝަންތަކެއް ހިންގަމުންނެވެ. އަދި އެ އޮޕަރޭޝަންތަކުގައި ގިނަ ޢަދަދެއްގެ މަސްތުވާތަކެއްޗާއެކު ބަޔަކު ހައްޔަރުކޮށްފައިވެއެވެ. އަދި މީޑިއާގެ ޙާޒިރުގައިވެސް ހިންގި އޮޕަރޭޝަން ފުލުހުން ކުއްލިގޮތަކަށް ވަނީ ހުއްޓާލާފައެވެ.
ރާއްޖެއަށް އެތެރެކުރަން އުޅުނު ގިނަ ޢަދަދެއްގެ މަސްތުވާތަކެތިވެސް ފުލުހުން ދާދި ފަހުން ވަނީ ހޯދާފައެވެ.
ކޮމެންޓު ފޮނުވާ