މި އަހަރު ފިލްމް ނުގެނެސް ދެވިދާނެ ކަމަށް ބުނި ފިލްމް "ޑަންކީ" އަންނަ އަހަރަށް ފަސްނުކުރާކަން ކަށަވަރުކޮށް ދީފި އެވެ.
"ޑަންކީ" އަކީ މިއަހަރުގެ ޑިސެމްބަރު މަހުގެ 22 ވަނަ ދުވަހުގައި ރިލީޒް ކުރުމަށް ތާވަލު ކޮށްފައިވާ ފިލްމްއެކެވެ. މި ފިލްމް އަކީ ސްޕަސްޓާރު ޝާހުރުކް ހާން ލީޑުން ފެނިގެންދާނެ ފިލްމްއެކެވެ. ޝާހު އާއި އެކުގައި ދެން ފެނިގެން ދާނީ ތާޕްސީ ޕަންނޫއެވެ.
View this post on Instagram
މި ފިލްމް މިއަހަރު ނުގެެނެސް ދޭނެ ކަމަށް މި ދޭތެރެއިން ވަނީ ހަބަރު ތަކުގައި ބުނެފައިއެވެ. އެއާއި އެކުގައި މިކަމަށް އިޝާރާތް ކޮށް ވާހަކަ ދައްކަމުން ޝާހުރުކް ބުނީ ކުރިންވެސް ޕްލޭން ކޮށްފައިވާ ގޮތަށް ފިލްމް ޑިސެމްބަރުގައި ގެނެސްދޭނެ ކަމަށެވެ. އަދި ފިލްމާ މެދު ކުރެވޭ އުންމީދުތައް ވެސް ބޮޑު ކަމަށާއި މި ފިލްމަކީ ޑައިރެކްޓަރު ރާޖްކުމާރު ހިރާނީއާ އެކީ އޭނަ މަސައްކަތްކުރި ފުރަތަމަ ފިލްމަށްވާތީ އެކަމާ ވެސް ވަރަށް އުފަލުން ހުރި ކަމަށް 57 އަހަރުގެ އެކްޓަރި ބުންޏެވެ.
މި ފިލްމް ޑިސެމްބަރުގައި ގެނެސްދީފި ނަމަ ވެގެން ދާނީ މިއަހަރުގެ ޝާހުގެ ތިން ފިލްމް އަށެވެ. މިއަހަރުގެ ކުރީ ކޮޅުގައި ޝާހުގެ ފިލްމް "ޖަވާން" ވަނީ ސިނަމާތަކަށް އައިސްފައިއެވެ. އެ ފިލްމް ވަނީ އުންމީދު ކުރި ގޮތަށް ބޮޑު ކާމިޔާބެއް ހޯދައިފައިއެވެ.
ޝާހުގެ މިއަހަރުގެ ދެވަނަ ފިލްމް މިހާރު ވެސް އޮތީ ސިނަމާގައިއެވެ. އެއީ މިހާރު ބޮޑު ކާމިޔާބެއް ހޯދަމުން އަންނަ ފިލްމް "ޖަވާން" އެވެ. މި ފިލްމް ވެސް ވަނީ "ޕަޓާން" އެކޭ އެއްފަދައިން ރެކޯޑް ތަށް މުގުރާފައިއެވެ.
View this post on Instagram
"ޑަންކީ" އަކީ ހިޖުރަކުރުމާ ގުޅޭ ގޮތުން ހަދާފައިވާ ސޯޝަލް ކޮމެޑީއެކެވެ. މީގެ ޝޫޓިން ނިންމައި ފިލްމު މިހާރު އޮތީ ޕޯސްޓް -ޕްރޮޑަކްޝަން މަރުހަލާގަ އެވެ. "ޑަންކީ" ގެ ކާސްޓްގައި ތާޕްސީ ޕައްނޫ، ބޮމަން އިރާނީ، ސަތިޝް ޝާހްގެ އިތުރުން ހާއްސަ ފެނިލުންތަކުގައި ވިކީ ކޯޝަލް އާއި ދަރުމެންދުރާ ވެސް ހިމެނެ އެވެ.
