ހުޅުމާލޭ ދެވަނަ ފިޔަވަހީގައި ރައީސް ޔާމީންގެ ވެރިކަމުގައި އިމާރާތްކޮށްފައިވާ ހިޔާ ފްލެޓްތަކުގެ ކުލި ރައީސް ޔާމީން ކަނޑައެޅުވާފައިވާ އަގަށް ކުޑަކޮށް، ހިޔާ ފަލެޓްތައް ހަދަން ރައްޔިތުންގެ އަތުން ދިޔަ ޚަރަދުތައް އަބުރާ ދެއްވާނެކަމަށް ޕީޕީއެމް/ޕީއެންސީގެ ރިިޔާސީ ކެންޑިޑޭޓް ޑރ. މުހައްމަދު މުއިއްޒު ވިދާޅުވެއްޖެއެވެ.
ހިޔާ ފްލެޓް ސަރަހައްދަށް މުއިއްޒު ވަޑައިގެން މިއަދު ވަނީ ސަލާން ކުރުމަށް އެކަނި 1 ގަޑިއިރާ 30 މިނިޓް ހޭދަ ކުރައްވާފައެވެ. ސަލާން ކުރަން ގިނަ ވަގުތު ހޭދަ ކުރައްވަން ޖެހުމުން މުއިއްޒަށް ވާހަކަ ދައްކަން ލިބުނީ ބަންގިއާއި ކައިރިވާތީ ވަރަށް ކުޑަ ވަގުތުކޮޅެކެވެ. މުއިއްޒު ވަނީ ހިޔާ ފްލެޓްތަކުގައި ދިރިއުޅޭ ރައްޔިތުންނަށް އުންމީދީ މެސެޖުތަކެއް ދެެއްވާފައެވެ.
މުއިއްޒު ވިދާޅުވީ މިސަރުކާރުން ފުރަތަމަ މަސައްކަތް ކުރީ ހިޔާ ފްލެޓްތައް ތަޅާލަން ކަމަށެވެ. ދެން އެކަން ނުވުމުން ފްލެޓްތައް ނުނިންމާ ރައްޔިތުންނާއި ހަވާލު ކުރިކަމަށެވެ. ނަމަވެސް ރައްޔިތުންނަށް ބޮޑު ބުރައެއް ޖައްސައި ތަން ހަދާވެސް ނުދީ މިސަރުކާރުން ހަވާލު ކުރުމުން ރައްޔިތުންނަށް ވަނީ ބޮޑު ތަކްލީފެއް އުފުލަން ޖެހިފައި ކަމަށެވެ.
މުއިއްޒު ވިދާޅުވީ ރައީސް ޔާމީން ނިންމާފައިވަނީ ހިޔާ ފްލެޓްތަކުގެ ކުލި 5،600 ރުފިޔާއަށް ހެދުން ކަމަށާއި، އެކަން އެގޮތަށް ވެރިކަމާއި ހަވާލުވެ ކުރައްވާނެކަމަށް މުއިއްޒު ވިދާޅުވިއެވެ. އަދި ރައްޔިތުން އަތުން ހިނގައިދިޔަ ޚަރަދުތަކަށްއެވްރެޖް އަގެއް ދެއްވާނެ ކަމަށާއި، އެއީ ޖުމްލަކޮށް 2 ލައްކަ ރުފިޔާ ފްލެޓަކަށް ހަމަޖައްސަވާ ދެއްވާނެކަމަށެވެ. މިހާރު ހިޔާ ފްލެޓްތަކަށް މަހަކު 6،300 ރުފިޔާ ދައްކަން ޖެހެއެވެ.
ހިޔާ ކުލީގެ އިތުރުން ކޮންމެ ފްލެޓެއްގައި އިތުރު ލިފްޓެއް ބަހައްޓަވާ ދެއްވާނެ ކަމުގެ ވައުދުވެސް މުއިއްޒުވަނީ ވެވަޑައިގެންފައެވެ. މުއިއްޒުވަނީ ހިޔާ ސަރަހައްދުގައި ދިރިއުޅޫ ހުރިހާ ރައޔްިތުންނަށްވެސް ރައީސް ޔާމީން މިނިވަން ކޮށްދެއްވާނެ ކަމުގެ ޔަގީންކަން ދެއްވާފައެވެ.
ހިޔާ ފްލެޓްތަކަށް ކުލީގެ ގޮތުގައި މިހާރު ދައްކަންޖެހެނީ މަހަކު 8،500 ރުފިޔާ އެވެ. ހިޔާ މަޝްރޫއުގެ ދަށުން 7،000 ފެލްޓް އަޅާފައިވެ އެވެ. އެއީ 25 ބުރީގެ 16 ޓަވަރެވެ.
