ބޮލީވުޑްގެ ކޮމެޑީ ފްރެންޗައިޒް "ވެލްކަމް" ގެ ތިން ވަނަ ބައި "ވެލްކަމް ޓު ޖަންގަލް" އަންނަ އަހަރުގެ ޑިސެމްބަރު މަހުގެ 20 ގައި ސިނަމާތަކަށް ގެންނަން ހަމަޖެހިފައިވާކަމަށް އިއުލާން ކޮށްފިއެވެ.
މިހަފްތާގައި ލޯންޗުކުރި އެ ފިލްމްގެ ޕޯސްތަރު ތަކުން އެނގޭ ގޮތުގައި ފިލްމް ރިލީޒް ކުރާ ދުވަހުގެ އިތުރުން ފިލްމްގެ ކާސްޓުވެސް ވަރަށް ސާފުކޮން އެނގެއެވެ. އެގޮތުން ބޮޑު ކާސްޓެއް ހިމެނޭ މި ފިލްމްގެ ކާސްޓުގެ މޯޝަން ޕޯސްޓަރުވެސް ވަނީ ދައްކައިލައިފައިއެވެ.
View this post on Instagram
ބޮޑު ކާސްޓެއް ހިމެނޭ މި ފިލްމްގެ ކާސްޓުގައި އަކްޝޭ ކުމާރުގެ އިތުރުން ރަވީނާ ޓަންޑަން، ސުނިލް ޝެޓީ، ޑިޝ ޕަޓާނީ، އަރުޝަދު ވަރްސީ، ޖެކްލިން ފެނަންޑޭޒް، ސަންޖޭ ދަތު، ޕަރޭޝް ރާވަލް، ތުޝާރު ކަޕޫރް، ޖޯނީ ލީވާ، ރާޖްޕަލް ޔާދާވް، ޝްރެޔަސް ތަލްޕަޅޭ، ކްރުޝްކާ އަބީޝެކް، ކިކީ ޝްރަދާ، ލާރާ ދައްތާ، ޝާރިބު ހާޝިމީ، މުކޭޝް ތިވާރީ އަދި ޒާކިރު ހުސައިން ވެސް ހިމެނެއެވެ.
ފީރޯޒް ނަދިއަދުވާލާ ޕްރޮޑިއުސްކުރާ ފިލްމު "ވެލްކަމް ޓު ދަ ޖަންގަލް" ޑައިރެކްޓަރަކަށް ހަމަޖައްސާފައި ވަނީ މަޝްހޫރު ކޮރިއޮގްރާފަރު އަހުމަދު ޚާނެވެ. ވަރުގަދަ އެކްޝަން ފިލްމުތަކެއް ކަމަށްވާ "ބާގީ 2″ އާއި "ބާގީ 3″ ޑައިރެކްޓަރު އަހުމަދުގެ އެންމެ ފަހުގެ ފިލްމަކީ މިދިޔަ އަހަރުގެ "ހީރޯޕަންތީ 2″ އެވެ.
