ރާއްޖޭގެ ދީނީ ޢިލްމުވެރިން ގުޅުމުން، ޢިލްމުވެރިންގެ މެދުގައި ނެގި ޚިޔާލް ހޯދުމުގެ ވޯޓުން ރާއްޖޭގެ ޢިލްމުވެރިންގެ ސާފު ޢައުލަބިއްޔަތު އޮތީ ޕީޕީއެމް/ޕީއެންސީގެ ކެންޑިޑޭޓް ޑރ.މުހައްމަދު މުއިއްޒުއަށް ކަމަށް ސާފުވެއްޖެއެވެ.

ޢިލްމުވެރިންގެ ގުޅުމުގައި ހިމެނޭ ޢިލްމުވެރިންގެ މެދުގައި މިފަދަ ވޯޓެއް ނެގީ އަންނަ ހޮނިހިރު ދުވަހު ވޯޓުލާއިރު އިލްމުވެރިންގެ ތާއީދު އޮތް ބޭފުޅެއް ބެލުމަށެވެ. އިލްމުވެރީންގެ ގުޅުމަކީ 150 ވުރެ ގިނަ އިލްމުވެރިއަކު ހިމެނޭ ހަރަކާތެކެވެ. ޚިޔާލް ހޯދުމުމުގެ ވޯޓުގައި ބައިވެރިވީ މީގެ ތެރެއިން 105 ޢިލްމުވެރިއެކެވެ.

އިލްމުވެރިންގެ ގުޅުމަކީ ރާއްޖޭގެ އެންމެ ގިނަ ދީނީ އިލްމުވެރިންނާއި، ޝައިޚުން ނިސްބަތްވާ ހަރަކާތެކެވެ. މިހާތަނަށްވެސް ޤައުމީ އަދި ދީނީ ކަންކަމުގައި ޢިލްމުވެރިންގެ ރައުޔު ހާމަކޮށް އެބޭފުޅުން ދެކޭގޮތް ދިޔައީ ހާމަ ކުރަމުންނެވެ.

ރޭކުރިއަށްދިޔަ މިވޯޓުގައި ބައިވެރިވި ޢިލްމުވެރިންގެ ތެރެއިން ސާފު ޢައުލަބިއްޔަތު ލިބުނީ ޕީޕީއެމް/ޕީއެންސީގެ ކެންޑިޑޭޓް ޑރ.މުހައްމަދު މުއިއްޒުއަށެވެ. އިންތިޚާބުގައި ވާދަކުރައްވާ 8 ކެންޑިޑޭޓުންގެ މެދުގައި ކުރިއަށްދިޔަ މިވޯޓާއިމެދު ޢިލްމުވެރިންގެ ގުޅުމުގައި ހިމެނޭ ޢަދަލާތު ޕާޓީއަށް ނިސްބަތްވާ ބޭފުޅުންވެސް ވަނީ ބައިވެރިވެފައެވެ. މިވޯޓުގެ ޑރ.މުއިއްޒަށް 82 އިންސައްތަ ލިބުނު އިރު މުއިއްޒާއި ކިރިޔާވެސް ވާދަކުރައްވާ ރައީސް ޞާލިހަށް ލިބިވަޑައިގެންނެވީ 4 އިންސައްތަ ވޯޓެވެ.

ރޭ 12 ޖެހުމާއި ހަމައަށް ކުރިއަށްދިޔަ ވޯޓުގައި މުއިއްޒަށް 87 ބޭފުޅަކު ވޯޓް ދެއްވާފައިވެއެވެ. އެއީ ވޯޓްގެ ނިސްބަތުން ނަމަ 82 ޕަސެންޓެވެ. ދެން އެންމެ ގިނަ ވޯޓް ލިބިވަޑައިގަތީ އަމިއްލަ ގޮތުން ވާދަ ކުރައްވާ އުމަރު ނަސީރަށެވެ. އުމަރަށް ނުވަ ވޯޓް ލިބިވަޑައިގެންފައިވެއެވެ. ރައީސް ސޯލިހަށް ތާއީދު ކުރައްވާ ވޯޓް ދެއްވީ ފަސް ބޭފުޅެކެވެ.

އިލްމުވެރީންގެ ވޯޓްގެ ނަތީޖާ:

– ޑރ. މުހައްމަދު މުއިއްޒު – 87 ވޯޓް
– އުމަރު ނަސީރު – 9 ވޯޓް
– ރައީސް އިބްރާހިމް މުހައްމަދު ސޯލިހް – 5 ވޯޓް
– ގާސިމް އިބްރާހިމް – 1 ވޯޓް
– ފާރިސް މައުމޫން – 1 ވޯޓް
– އިލްޔާސް ލަބީބް – 1 ވޯޓް
– މުހައްމަދު ނާޒިމް – 1 ވޯޓް
– ހަސަން ޒަމީލް – 0 ވޯޓް

ilmuveringe Gulhumuge Vaguthee natheejaa:
03.09.2023 dhuvahuge 12:02 in 04.09.2023 dhuvahuge 12:02 ah,
2023 ge inthikhaabuge riyaasee candidatunnaa medhu IG gai thibbevi beyfulhun ge vote ge vaguthee natheejaa. pic.twitter.com/J9JcPumHyj

— 𝐈𝐥𝐦𝐮𝐯𝐞𝐫𝐢𝐧𝐠𝐞 𝐆𝐮𝐥𝐡𝐮𝐧 (@ilmugeGulhun) September 4, 2023

ޢިލްމުވެރިންގެ ގުޅުމުން ވަނީ ރިޔާސީ އިންތިޚާބުގައި ކުރިމަތިލައްވާ ކެންޑިޑޭޓުންނާއިވެސް ބައްދަލުކޮށް ޢިލްމުވެރިންގެ ބޭނުންވާ މައުލޫމާތުތައް ސާފު ކުރައްވާފައެވެ. މިފަހަރުގެ ރިޔާސީ އިންތިޚާބުގެ ވޯޓުލުން އޮންނާނީ އަންނަ ހޮނިހިރު ދުވަހުއެވެ. ދެވަނަ ބުރެއް އޮންނަ ނަމަ ދެވަނަ ބުރެއްގެ ވޯޓުލުން އޮންނާނީ މިމަހުގެ 30 ވަނަ ދުވަހުއެވެ.