އަންނަ މަހުގެ 7 ވަނަ ދުވަހުގައި ގެނެސް ދިނުމަށް ތާވަލް ކޮށްފައިވާ ފިލްމް "ޖަވާން" ގެ ވަރަށް ފޯރިގަދަ ލަވައެއް ބެލުންތެރިންނަށް ދޫކޮށްލައިފިއެވެ.
މި ލަވައިގައި ފެނިގެން ދަނީ ފިލްމްގެ ލީޑުން ފެނިގެންދާ ދެތަރިން ކަމުގައިވާ ޝާހުރުކް ހާން އާއި ނަޔަންތަރާ އެވެ. ވަރަަށް ފޯރިގަދަ ނެށުން ތަކަކާއިއި އެކުގައި މި ލަވަ ބެލުންތެރިންނަށް ދޫކޮށްލީ އިއްޔެގައިއެވެ. މި ލަވައިން ބޮލީވުޑްގެ ބަތަލާ ސާންޔާ މަލްހޯތްރާ ވެސް ފެނިގެންދެއެވެ.
ނޮޓް ރަމައްޔާ ވަސްތަވައްޔާ އަކީ އަނިރޫދް ރަވީޗަންދަރު ކޮމްޕޯސްކޮށްފައިވާ ލަވައެކެވެ. ވިޝާލް ދަދްލާނީ އާއި ޝިލްޕާ ރާއޯ މި ޓްރެކް ކިޔާފައިވާއިރު ކޮރިއޯގްރާފްކޮށްފައި ވަނީ ވައިބަވީ މާޗަންޓެވެ.
ޝާހްރުކް ޑަބަލް ރޯލަކުން ފެންނާނެ "ޖަވާން" ސިނަމާތަކަށް ގެންނަން ނިންމާފައި އޮތީ ސެޕްޓެމްބަރު 7 ގަ އެވެ. އޭނަގެ ރެޑް ޗިލީޒް އެންޓަޓައިންމަންޓުން ޕްރޮޑިއުސްކޮށްފައިވާ ފިލްމުގެ ޑައިރެކްޓަރަކީ އެޓްލީ އެވެ. "ޖަވާން" ގެ ކާސްޓްގައި ވިޖޭ ސެތުޕަތީ، ސާނިއާ މަލްއުތުރާ، ސުނިލް ގްރޯވާ، ޕްރިޔާމަނީ، ޔޯގީ ބާބޫ، ރިދިމާ ޑޮގްރާ އަދި އާސްތާ އަގަރްވާލް ހިމެނެ އެވެ.
