މިހާރު ޓިޒާ ވެސް ދޫކޮއްލައިފައިވާ ފިލްމް "ޖަވާން" ގެ ޓްރެއިލާ އަންނަ މި މަހުގެ 31 ވަނަ ދުވަހުގައި ދައްކައިލާނެ ކަމަށް ފިލްމްގެ ލީޑު އެކްޓަރު ޝާހުރުކް ހާން ބުނެފިއެވެ.
މިކަން ހާމަ ކޮށް އޭނާގެ އިންސްތަގްރާމްގައި ވަނީ އެންމެ ފަހުން ދައްކައިލި ލަވައިގެ ވީޑިއޯ އެއް ވެސް ހިއްސާ ކޮށްފައިއެވެ. މި ލަވަ އަކީ ވަރަށް ފޯރިގަދަ އެހާމެ ރީތި ލަވައެކެވެ.
"ޖަވާން" ގައި ޝާހްރުކްގެ ޑަބަލް ރޯލެއް ފެނިގެން ދާނެ އެވެ. މީއީ ތަމަޅަ ޑައިރެކްޓަރު އެޓްލީ ހަދާފައިވާ އެކްޝަން ތުރިލާއެކެވެ. ޓީޒާގައި ވެސް ވަރަށް ގިން އެކްޝަން މަންޒަަރުތަށް ވަނީ ހިމަނާފައިއެވެ.
View this post on Instagram
މި ފިލްމް އަކީ ވަރަށް އުންމީދީ ފިލްމްއެކެވެ. ދެފަހަރެއްގެ މަތިން ފިލްމް އަޅުވާ ދުވަސް ބަދަލު ކޮށްފައިވާ މި ފިލްމް އަކީ ލީޑުން ޝާހުރުކް އާއި ސައުތުގެ މަޝްހޫރު ބަތަލާ ނަޔަންތަރާ ފެނިގެންދާ ފިލްމްއެކެވެ. މި ފިލްމް އަކީ ނަޔަންތަރާގެ ބޮލީވުޑް ޑެބިއު ވެސް މެއެވެ.
ޝާހްރުކް ޑަބަލް ރޯލަކުން ފެންނާނެ "ޖަވާން" ސިނަމާތަކަށް ގެންނަން ނިންމާފައި އޮތީ ސެޕްޓެމްބަރު 7 ގަ އެވެ. އޭނަގެ ރެޑް ޗިލީޒް އެންޓަޓައިންމަންޓުން ޕްރޮޑިއުސްކޮށްފައިވާ ފިލްމުގެ ޑައިރެކްޓަރަކީ އެޓްލީ އެވެ. "ޖަވާން" ގެ ކާސްޓްގައި ވިޖޭ ސެތުޕަތީ، ސާނިއާ މަލްއުތުރާ، ސުނިލް ގްރޯވާ، ޕްރިޔާމަނީ، ޔޯގީ ބާބޫ، ރިދިމާ ޑޮގްރާ އަދި އާސްތާ އަގަރްވާލް ހިމެނެ އެވެ.
