އިދިިކޮޅު ޕީޕީއެމް، ޕީއެންސީގެ ރިޔާސީ ކެންޑިޑޭޓް ޑރ.މުއިއްޒު އާއިއެކު ދަތުރު ފަށާފައިވަނީ ދިވެހިން އެދޭ އަމާޒަށް ވާސިލް ވުމަށް ކަމުގައި ޕީޕީއެމްގެ ނައިބް ރައީސް އަހުމަދު ޝިޔާމް ވިދާޅުވެއްޖެއެވެ.
ޕީއެންސީގެ ރިޔާސީ ކެންޑިޑޭޓް ޑރ.މުއިއްޒުއާއިއެކު ކެމްޕެއިންގައި އެންމެ ބުރަކޮށް މަސައްކަތް ކުރައްވާ ބޭފުޅުންގެ ތެރޭގައި ޝިޔާމް ހިމެނެއެވެ. ޝިޔާމް ގެންދަވަނީ މުއިއްޒުއާއިއެކު ނ.އަތޮޅަށް ވަޑައިގަންނަވަމުންނެވެ. ނ.އަތޮޅުގެ ރަށްތަކުން ޑރ.މުއިއްޒުއާއި ކެމްޕޭން ޓީމަށް ބޮޑު ތާއީދެއް އޮތްކަން ރައްޔިތުން ދަނީ ދައްކަމުންނެވެ.
ޝިޔާމް ވިދާޅުވީ ޑރ.މުއިއްޒުއާއިއެކު ކުރަން ފަށާފައިވަނީ ދިވެހި ރައްޔިތުން އެދޭ މަންޒިލަށް ވާސިލް ވުމަށް ކުރަމުންދާ ދަތުރެއް ކަމަށެވެ. މިދަތުރުގެ މަންޒިލް ވާސިލްވާނީ ރައްޔިތުން އެދޭފަދަ އަމާން ރާއްޖެއަކަށް ވާސިލްވެގެން ކަމަށް ޝިޔާމް ވިދާޅުވިއެވެ.
Fahathah belumeh nethi #DhiveheengeRaajje Candidate @MMuizzu aa ekee dhathuru mikuranee 'Rayyithun Edhey Amaazah' In Sha Allah. #Vote4Muizzu#MuizzuSembe2023 #FreePresidentYameen pic.twitter.com/3VDurCyN61
— Ahmed Shiyam (@Shiyamaldives) August 24, 2023
ޝިޔާމް ވިދާޅުވީ ރާއްޖެ މިއަދު އޮތް ހާލަތުން އަރައި ގަނެވޭނީ މިއަދު އޮތް އަނިޔާވެރި ޚުދުމުހުތާރު ސަރުކާރު ބަލިކޮށްގެން ކަމަށެވެ. އެކަން ކުރެވޭނީ ކުރިއަށް އޮތް ސެޕްޓެމްބަރު މަހުގެ 9 ވަނަ ދުވަހުކަމަށް ޝިޔާމް ވިދާޅުވިއެވެ. ނ.އަތޮޅާއި މުޅި ރާއްޖެއިން ފެނިގެންދަނީ އެއް މަންޒަރެއް ކަމަށާއި މިސަރުކާރު ފަސޭހައިން ބަލި ކުރެވޭނެ ކަމީ ފެންނަން ޮއތް ހަގީގަތް ކަމަށް ޝިޔާމް ވިދާޅުވިއެވެ.
ރިޔާސީ ކެޕްޕޭމްގައި މުއިއްޒުއަށް ވަޑައި ނުގެންނެވޭ ރަށްތަކަށް ޕީޕީއެމް، ޕީއެންސީގެ ލީޑަރޝިޕްގެ ބޭފުޅުން ގެންދަވަނީ ވަޑައިގަންނަވަމުންނެވެ.
