ބޮލީވުޑްގެ ބަތަލާ ޒަރީން ހާން ޑެންގޫ ހުން ޖެހިގެން ހާސު ސިރިއަސް ވެގެން ހޮސްޕިޓަލްގައި އިއްޔެ އެޑްމިޓްކޮށް ފަރުވާ ދޭން ފަށައިފި އެވެ.\
ޒަރީން ވަނީ ހޮސްޕިޓަލުން ނަގަިއފައިވާ ފޮޓޯއެއް އިންސްޓަގްރާމްގެ ސްޓޯރީގައި ހިއްސާކޮށް އެކަން ކަށަވރު ކޮށްދީފައިއެވެ. ޒަރީން އެޑްމިޓް ކޮށް ފަޒރުވާ ދެމުން ދިއަ ނަމަވެސް ހާލަތާ ބެހޭ ގޮތުން ވަކި އެއްޗެއް ބުނެފައެއް ނުވެ އެވެ. ހަމަ އެކަނި 'ލައިފް އަޕްޑޭޓް' ޖެހުމަށް ފަހު ހަމަ އެކަނި ދޫކޮށްލީ ފޮޓޯއެކެވެ.
ކެޓްރީނާ ކައިފް އާއި ވައްތަރު ކަމަށް ބުނެ 2010 ގެ ފިލްމު "ވީރު" އިން ސަލްމާންގެ ނުފޫޒުން ބޮލީވުޑްއަށް ތައާރަފް ކުރި ޒަރީން އަކީ މިހާތަނަށް ފިލްމީ ކެރިއަރުގައި މާބޮޑު ކުރިއެރުމެއް ހޯދިފައިވާ ތަރިއެއް ނޫނެވެ.
ސަލްމާން ހާން އާއި ކެޓްރީނާ ކައިފްގެ ލޯބީގެ ގުޅުން ނިމުމަކަށް އައުމާއި އެކުގައި ކެޓްރީނާ އާއި ވައްތަރު ޒަރީން ހާން އޭނާ ބޮލީވުޑަށް ތައާރަފް ކުރި ނަމަވެސް ކެޓްރީނާ ފަދައިން އޭނާއަށް މަޝްހޫރު ކަމެއް ނުހޯދުނެވެ. އަދި ސަލްމާން އާއި ޒަރީން ލޯބީގެ ގޮތުން ގުޅިގެން އުޅުން ކަމަށްވެސް އަޑު އެދުވަސް ކޮޅޫގައި ފެތުރުނެވެ.
ޒަރީން، 36، ކުޅެފައިވާ ފިލްމުތަކުގެ ތެރޭގައި "ހައުސްފުލް 2″، "ހޭޓް ސްޓޯރީ 3″، "ވަޖާ ތުމް ހޯ"، "އަކްސަރު 2″ އަދި "1921″ ހިމެނެ އެވެ. އެންމެ ފަހުން އޭނާ ފެނިގެން ގޮސްފައިވަނީ 2021 ގެ "ހަމް ވީ އަކޭލޭ ތުމް ބީ އަކޭލޭ" ކިޔާ ފިލްމް އަކުންނެވެ.
