ބޮލީވުޑް މަސައްކަތްތަކުގައި ވަރަށް ގިނަ ވަގުތު ގެއިން ބޭރުގައި އުޅެން ޖެހޭ ކަމަށާއި އެހެން ކަމުން ގޭތެރޭގެ ހުރިހާ ކަމެއް ބެލެހެއްޓުމުގެ ޒިންމާ ނަގަނީ އަންހެނުން އަދި ބަތަލާ އައިޝްވަރްޔާ ރާއީ ކަމަށް އަބީޝޭކް ބައްޗަން ބުނެފި އެވެ.
އައިޝްވާރްޔާ އަށް ވަރަށް ބޮޑަށް ތައުރީފް ކުރަމުން އަބިޝޭކް ބުނީ އޭނާގެ އަންހެނުންނަކީ ރީތީ ކަމުގެ ލާމަސީލު މިސާލެއް އެކަނި ނޫން ކަމަށާއި އެއީ ވަރަށް ގެވެހި އަދި އެހާމެ މުރާލި އަންހެނެއް ކަމަށެވެ.
View this post on Instagram
ގޭތެރޭގެ ހުރިހާ ކަމެއް ކުރަނީ އައިޝްވަރްޔާ ކަމަށާއި ދަރިފުޅުގެ ކަންތަށްތަށް ވެސް ކުރަނީ އައިޝްވަރްޔާ ކަމަށް އަބިޝޭކް ވަނީ ބުނެފައިއެވެ. އަދި އެއީ އޭނާއަށް ލިބުން ވަރަށް ބޮޑު ނަސީބެއް ކަމަށްވެސް އަބިޝޭކް ވަނީ ބުނެފައިއެވެ. ގޭތެރޭގެ ކަންކަން ވަރަށް ފުރިހަމަށް ބަލަހައްޓާ ކަމަށާއި އެހެން ކަމުން އޭނާގެ ދިރިއުޅުމަށް ވަރަށް ބޮޑަށް ފަސޭހަ ވެފައިވާ ކަމަށް ވެސް ބުނެފައިއެވެ.
މިސް ވޯލްޑްގެ ތާޖު ހާސިލު ކުރި ބަތަލާ އާއި އަބިޝޭކް ގެ ލޯބީގެ ފެށުމަކީ އެމީހުން އެކުގައި ކުުޅުނު ފިލްމް "ގްރޫ"އެވެ. 2007 ވަނަ އަހަރުގެ އެފިލްމްގެ ދުވަސް ވަރުގައި ދެމީހުން ލޯބީގެ ގޮތުން ގުޅި ކައިވެނި ކޮށްފައިވަނީ 2007 ވަނަ އަހަރުގައިއެވެ. އަދި އެދެމަފިރިންނަށް ދަރިއަކު ލިބިފައިވަނީ 2011 ވަނަ އަހަރުގައިއެވެ.
View this post on Instagram
ކާމިޔާބު އެތަށް ފިލްމް ތަކެއް ކުޅެފައިވާ ބަތަލާ އަކީ މިހާރުވެސް ބޮލީވުޑްގައި ވަރަށް މަގުބޫލު ތަރިއެކެވެ. ނަމަވެސް ކުރިއާއި ހިލާފަށް އޭނާ ފެންނަނީ މިހާރު ބޮޑުސްކްރީން އިން ވަރަށް މަދުންނެވެ. 49 އަހަރުގެ ބަތަލާ އެންމެ ފަހުން ފެނިގެން ގޮސްފައިވަނީ "ޕިނިޔިން ސެލްވަން 2″ އިންނެވެ.
