ރިޔާސީ އިންތިޚާބަށް ކުށުގެ ރެކޯޑު ސާފު ކުރެއްވުމަށް 34 މީހަކު ހުށަހަޅާފައިވާ ކަމަށާއި، މިހާތަނަށް 32 މީހެއްގެ ރެކޯޑު ސާފުކޮށް ދީފައިވާކަމަށް ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނުން ވިދާޅުވެއްޖެއެވެ.
ޑިޖޭއޭއިން ބުނީ ރިޔާސީ އިންތިޚާބާއި ގުޅިގެން މިހާތަނަށް މި ޑިޕާޓްމަންޓަށް 34 ފަރާތެއްގެ ރެކޯޑު ސާފުކުރުމަށް ވަނީ ހުށަހަޅުއްވާފައިކަމަށެވެ. މިއަދުގެ 18:00 އާއި ހަމައަށް 32 ފޯމް ރެކޯޑު ސާފުކުރުމަށް ފަހު ވަނީ އެފަރާތްތަކާއި ހަވާލުކުރެވިފައި ކަމަށާއި، އަދި މިހާރު ނުނިމި ވާ 2 ފޯމް ވީ އެންމެ އަވަހަކަށް ނިންމުމަށްޓަކައި ކޯޓުތަކާއި ގުޅިގެން މި ޑިޕާޓްމަންޓުން ދަނީ މަސައްކަތް ކުރަމުން ކަމަށެވެ.
ރެކޯޑު ސާފުކުރެވެނީ އޮޓޮމޭޓަޑް ސެންޓްރަލް ޑޭޓާ ބޭސް އަކުން ކަމުގައި ނުވާތީ މުޅި ރާއްޖޭގެ ހުރިހާ ކޯޓަކުން ވަކިވަކިން ރެކޯޑު ސާފުކުރުމަކީ ވަގުތު ހޭދަވާ ކަމެއް ކަމުގައި ވާތީ ހުރިހާ ފަރާތްތަކުން ވެސް މިކަމަށް ސަމާލުކަން ދެއްވުން އެދެމަށް ވަނީ އެދިފައެވެ. އަދި ރިޔާސީ އިންތިޚާބާއި ގުޅިގެން ރެކޯޑު ސާފުކުރުމަށްޓަކައި މިރޭ 21:00 ގެ ފަހުން ހުށަހަޅާ ފޯމުތައ،ް އިލެކްޝަންސް ކޮމިޝަނުން ކަނޑައަޅާފައިވާ ސުންގަޑި އަށް ނުނިމުގެ ފުރުސަތު އޮތްކަމަށް ވަނީ ބުނެފައެވެ.
ރިޔާސީ އިންތިޚާބު 2023 އަށް ކުރިމަތިލުމަށް، އިލެކްޝަންސް ކޮމިޝަނުން، ޖުލައި 23 ގައި ހުޅުވާލި ފުރުޞަތު އޮތީ، މާދަމާ (އޮގަސްޓް 7 ވާ ހޯމަ ދުވަހު) ގެ 14:00އާ އަށެ. މިހާތަނަށް 4 އެޕްލިކޭޝަން ލިބި، ޖަވާބު ދެވިފައިވަނީ އެއް އެޕްލިކޭޝަނަށެވެ. އެއީ ރައީސް ޔާމީންގެ އެޕްލިކޭޝަނަށެވެ.
އެންމެ ފަހު ވަގުތަށް މަޑުކުރައްވައިފިނަމަ، އެޕްލިކޭޝަން ފުރިހަމަ ނުވާ ޙާލަތެއް ދިމާވެއްޖެ ހިނދެއްގައި، މާދަމާގެ 14:00 ގެ ފަހުން، އިތުރު އެއްވެސް އެއްޗެއް އީސީ އަށް ހުށަހެޅުމުގެ ފުރުޞަތު ނޯންނާނެތީ، ވަގުތު އޮއްވާ މާދަމާގެ އެޕްލިކޭޝަންތައް ހުށަހެޅުއްވުމަށް އިލެކްޝަނުން ވަނީ އެދިފައެވެ. އަދި އެޕްލިކޭޝަން ހުށަހެޅުއްވުމުގެ ކުރިން، ފޯމުގައިވާ ހުރިހާ މަޢުލޫމާތެއް ފުރިހަމަ ކުރެއްވުނުތޯ ޗެކް ލިސްޓާ އަޅާ ކިޔުއްވުން ވަރަށް މުހިންމު ކަމަށް އީސީން ވިދާޅުވެއެވެ.
