ރައީސް ޞާލިހުގެ ރަނިން މޭޓަކަށް ހަމަޖެއްސެވި ހިތަދޫ އުތުރު ދާއިރާގެ މެމްބަރު މުހައްމަދު އަސްލަމަކީ އެއްބުރުން އިންތިޚާބު ކާމިޔާބު ކުރުމައް އެންމެ ހެޔޮ އިޚްތިޔާރު ކަމުގައި އަދާލަތު ޕާޓީގެ ރައީސް އިމްރާން ވިދާޅުވެއްޖެެއެވެ.
ރައީސް ޞާލިހުގެ ރަނިން މޭޓަކަށް އަސްލަމް ހަމަޖެއްސުމާއި ގުޅިގެން އިމްރާން ވިދާޅުވީ ރިޔާސީ އިންތިޚާބުގައި ރައީސް ޞާލިހުގެ ރަނިން މޭޓަކަށް އިޚުތިޖާރު ކުރެއްވި އައްޑޫ އަސްލަމަކީ އިހުލާސްތެރި ކެތްތެރިއެއް ކަމަށެވެ. އަދި ސިޔާސީ ތަޖުރިބާ ގިނަ ހައްލު ހޯދުމުގައި ކެތްތެރި ކަމާއިއެކު މަސައްކަތް ކުރައްވާ ސާބިތު ބޭފުޅެއް ކަމަށެވެ.
އެއްބުރުން އިންތިޚާބު ކާމިޔާބު ކުރުމައް އެންމެ ހެޔޮ އިޚްތިޔާރު. ސިޔާސީ ތަޖުރިބާ ބޮޑު، ހައްލު ހޯދުމުގައި ހިކުމަތްތެރިކަމާއި ކެއްތެރިކަން އިސްކުރައްވާ، އަށްޑޫގެ ފަޚުރުވެރި ދަރިއެއް.
– އިމްރާން ވިދާޅުވިއެވެ.
އެމްޑީޕީގެ ޕާލިމެންޓްރީ ގްރޫޕްގެ ލީޑަރު އަދި މަޖިލީހުގެ މެޖޯރިޓީ ލީޑަރު މުހައްމަދު އަސްލަމްއަކީ މަޖިލީހުގައި މިހާރު ތިއްބެވި މެމްބަރުންގެ ތެރެއިން، އެ މަޖިލީހުގައި އެންމެ ގިނަ ދުވަސްވީ އެއް މެމްބަރެވެ. މީގެއިތުރުން އޭނާއަކީ އެ ޕާޓީ އުފެދުނީއްސުރެ ޕާޓީގެ ހަރަކާތްތަކުގައި އިސް ސަފުގައި ހަރަކާތްތެރިވެވަޑައިގަންނަވަމުންދާ މެމްބަރެކެވެ.
ރިޔާސީ އިންތިހާބުގައި ވާދަކުރައްވާ ބޭފުޅުންގެ ތެރެއިން މިހާތަނަށް ރަނިން މޭޓް އިއުލާންކޮށްފައި ނުވަނީ ޖުމްހޫރީ ޕާޓީގެ ލީޑަރު ގާސިމް އިބްރާހިމް އެކަންޏެވެ. އެމްޑީޕީ، ޕީޕީއެމް، އެމްއެންޕީ އަދި ޕީއެންސީން މިހާރު ވަނީ ކެނޑިޑޭޓުންނާއި ރަނިންމޭޓުން ކަނޑައަޅާފައެވެ.
ރިޔާސީ އިންތިހާބުގައި ވާދަކުރުމަށް މިދިޔަމަހުގެ 23 ވަނަ ދުވަހު ހުޅުވާލި ފުރުސަތު މާދަމައަށް ހަމަވާނެއެވެ. އިންތިހާބުގައި ވާދަކުރާނެކަން ގިނަ ބޭފުޅުންތަކެއް އިއުލާންކުރެއްވިނަމަވެސް، ކުރިއަށް އޮތް ރިޔާސީ އިންތިހާބުގައި ވާދަކުރައްވާނެ ބޭފުޅުން އަދިވެސް ޔަގީނެއް ނޫނެވެ.
One Response
އަސްލަމަށް ވުރެ ބޮޑަށް ކާމިޔާބު ލިބޭނީ އިމްރާނަކަށް ނޫންތަ؟