އިންޑިއާގެ އެހީގެ ދަށުން ރާއްޖޭގައި ކުރިއަށް ގެންދާ މަޝްރޫޢުތަކާ ގުޅޭގޮތުން ފޮރިން މިނިސްޓަރ ޝާހިދާއި، އިންޑިއާގެ އެކްސްޓާނަލް އެފެއާޒް މިނިސްޓަރ ޑރ. އެސް ޖައިޝަންކަރާއި ދެބޭފުޅުން މަޗްވަރާ ކުރައްވައިފިއެވެ.
އިންޑިއާގެ އެކްސްޓާނަލް އެފެއާޒް މިނިސްޓަރ ޑރ. އެސް ޖައިޝަންކަރުގެ ދަޢުވަތަކަށް އިންޑިއާގެ ނިއުދިއްލީއަށް މިނިސްޓަރ ޝާހިދު ކުރައްވާ ރަސްމީ ދަތުރުފުޅުގެ ތެރެއިން މިއަދު ވަނީ ދެބޭފުޅުންގެ މެދުގައި މަޝްވަރާތައް ކުރިއަށް ގެންގޮސްފައެވެ. މިމަޝްވަރާ ތަކާއި ގުޅޭގޮތުން މިނިސްޓަރ ޝާހިދު ވިދާޅުވީ މިއީ ވަރަށް ކާމިޔާބު އަދި އުންމީދީ މަޝްވަރާ ބައްދަލުވުމެއް ކަމަށެވެ.
މި ބައްދަލުވުމުގައި އިންޑިއާގެ އެހީގެ ދަށުން ރާއްޖޭގައި ކުރިއަށް ގެންދާ މަޝްރޫޢުތަކާ ގުޅޭގޮތުން މަޝްވަރާ ކުރެވުނު ކަމަށާއި، އަދި ރާއްޖެ އާއި އިންޑިއާ އާ ދެމެދު އޮންނަ ބަދަހި ގުޅުން އިތުރަށް ވަރުގަދަކުރުމާ ގުޅޭގޮތުން މަޝްވަރާކުރެވުނު ކަމަށް މިނިސްޓަރ ޝާހިދު ވިދާޅުވިއެވެ.
Wonderful to meet my dear friend @DrSJaishankar again – this time in Delhi!
Had a constructive discussion focusing on strengthening #MaldivesIndiaPartnership
We discussed:
1. Ongoing Grant and Credit scheme projects, and ways to further intensify development cooperation.2.… pic.twitter.com/C1yBaKVx9V
— Abdulla Shahid (@abdulla_shahid) July 11, 2023
މި ދަތުރުފުޅުގެ ތެރެއިން ރާއްޖެއަށް އިޖްތިމާޢީ އިޤްތިޞާދީ ދާއިރާއިން އެހީތެރިކަމާއި އެއްބާރުލުން ދިނުމާގުޅޭ މުހިންމު އެއްބަސްވުންތަކެއްގައި ވަނީ ސޮއިކޮށްފައެވެ.
ރައީސް އިބްރާހިމް މުހައްމަދު ޞާލިހު ވެރިކަމަށް ވަޑައިގެންނެވި ފަހުން އިންޑިއާއާއި ރާއްޖެއާއި އޮތް ގުޅުން ވަރަށް ބޮޑަށް ރަނގަޅުވެ ދެޤައުމުގެ ދެމެދުގައި އެހީތެރިކަމުގެ ގިނަ އެއްބަސްވުންތަކެއް ވަނީ ހެދިފައެވެ. އަދި އިންޑިއާގެ އެކި ކުންފުނިތަކުން ރާއްޖޭގައި ގިނަ އަދަދެއްގެ މަޝްރޫޢުތައް ދަނީ ހިންގަމުންނެވެ. އޭގެ ތެރޭގައި ތިލަމާލެ ބްރިޖްގެ މަސައްކަތާއި، އައްޑޫ މަގު ހެދުން ފަދަ މަޝްރޫޢުތައް ހިމެނެއެވެ.
ކޮމެންޓު ފޮނުވާ