މާލެ ސިޓީ ކައުންސިލުން އީދާއި ގުޅުވައިގެން މާލެއާއި ވިލިމާލޭގެ އެކި ސަރަހައްދުތަކުގައި ހަރުކުރި ކުލަބޮކިތަކާއި ގިޑިގެތައް ދިއްލާލައިފައި ބަހއްޓާ މުއްދަތު އިތުރު ހަފްތާއަކަށް ދަންމާލަން ނިންމައިފިއެވެ.
އަޟްޙާ ޢީދަށް މާލޭގެ ބޮޑުތަކުރުފާނު މަގާއި، މަޖީދީމަގު އަދި ސޯސަންމަގުގެ އިތުރުން ވިލިމާލެ ހިމެނޭހެން ބައެއް ބޮޑެތި މަގުތަކުގައި މާލެ ސިޓީ ކައުންސިލުން ވަނީ ކުލަބޮކިތަކާއި ގިޑިގެތައް ހަރުކޮށްފައެވެ. ކައުންސިލުން މީގެ ކުރިން ބުނި ގޮތުގައި މާލެ އާއި ވިލިމާލޭގައި ޖުމްލަ 22 ގިޑިގެ އާއެކު 2224 ބޮކި ހަރުކުރާނެއެވެ.
އެސަރަހައްދުތަކުގައި ހަރުކުރި ކުލަބޮކިތަކާއި ގިޑިގެތައް ދިއްލާލާފައިވާއިރު، މިއީ ފަހުގެ ތާރީހެއްގައިވެސް، އީދާއި ދިމާކޮށް މާލެއާއި ވިލިމާލެ ޒީނަތްތެރިކޮށް، ދިއްލާލި ފުރަތަމަ ފަހަރުކަން ފާހަގަ ކޮށްލެވެއެވެ.
މާލެ ސިޓީ ކައުންސިލްގެ މޭޔަރު ޑރ.މުއިއްޒު ވިދާޅުވީ ގިޑިގެތަކާއި، ކުލަބޮކިތަށް މާދަމާ ނަގަން ނިންމާފައި ވީނަމަވެސް ގިނަ އަދަދެއްގެ ރައްޔިތުންގެ އެދުމުގެ މަތީން މިމަހުގެ 8 އާއި ހަމައަށް މިތަކެތި ނެގުން ފަސްކޮށްފައިވާކަމަށެވެ.
A lot of people who went abroad for various reasons during this Eid holiday have been asking us if they can get a chance to see the Eid lights. Initially, it was decided to remove them starting from tomorrow (2nd July). We would like to announce that, we intend to delay the… https://t.co/p2Ab7lj0Jk
— Dr Mohamed Muizzu (@MMuizzu) July 1, 2023
މާލެ ސިޓީ ކައުންސިލުން މާލޭގައި ދިރިއުޅޭ ރައްޔިތުންނަށް އުފާވެރި މާހައުލެއް ގެނައުމަށްޓަކައި ކުރި މިމަސައްކަތަށް ގިނަ ބައެއްގެ ތައުރީފް ވަނީ ލިބިގެން ގޮސްފައެވެ. އަދި މާލޭގެ އެކި ސަރަހައްދު ތަކުގައި ޢީދު ތަކްބީރުގެ އަޑުން ގުގުމާލައި ގެނައި ހިތްގަމު ބަދަލަކީ ގިނަބައެއްގެ ތައުރީފް ލިބިގެން ދިޔަ ކަމެކެވެ.
ކޮމެންޓު ފޮނުވާ