ބަތަލާ ކަންގަނާ ރަނާވަތު ޑައިރެކްޓްކޮށް، ކުޅުނު ފިލްމު "އިމަޖެންސީ" ރިލީޒްކުރާ ތާރީހު ބަދަލުކޮށްފިއެވެ.
ކުރިން މި އަހަރުގެ އޮކްޓޯބަރު 20 އަށް ތާވަލުކުރި ފިލްމު މިހާރު ސިނަމާތަކަށް ގެންނަން ނިންމާފައި ވަނީ ނޮވެމްބަރު 24 ގަ އެވެ. މި ފިލްމް އެޅުވުން ފަސްކޮށްފައިވަނީ ބައެއް އެހެން ފިލްމްތަކާއި މުޑިއަރާތީއެވެ.
"އިމަޖެންސީ" ގެ ވާހަކަ ބިނާކޮށްފައި ވަނީ އެކަމަނާގެ ވެރިކަމުގައި ޖޫން 25، 1975 ގައި ގައުމުގައި އިއުލާންކުރި ކުއްލި ހާލަތާއި އޭގެ ސަބަބުން އުފެދުނު ސިޔާސީ ކޯޅުންތަކާ އެކީ އިންޑިއާގެ މަސްރަހު ހޫނުވެގެން ދިއުމުގެ މައްޗަަށެވެ. މި ފިލްމްގެ ޕޯސްޓަރު ތަށް ވެސް މިހާރު ވަނީ ދައްކައިލައިފައިއެވެ.
"އިމަޖެންސީ" ގެ ލީޑުން ކަންގަނާ ރަނާވަތު ފެނިގެންދާއިރުގައި މި ފިލްމްގެ ކާސްޓްގައި އަނޫޕަމް ކޭރް، މަހީމާ ޗައުދަރީ، މިލިންދު ސޯމަން އަދި ޝްރެޔަސް ތަލްޕަޅޭ އަދި މަރުވެފައިވާ އެކްޓަރު ސަތިޝް ކޯޝިކް ވެސް ހިމެނެ އެވެ.
View this post on Instagram
"އިމަޖެންސީ" އަކީ ކަންގަނާގެ ޕްރޮޑަކްޝަން ހައުސް، މަނިކަރްނިކާގެ ދަށުން އޭނާ ޕްރޮޑިއުސްކޮށް އަދި ޑައިރެކްޓުވެސް ކުރާ ފިލްމެކެވެ. މިއީ ކަންގަނާގެ ދެވަނަ ޑައިރެކްޝަނަށެވެ.
ކަންގަނާ އެންމެ ފަހުން ފެނިގެން ދިޔައީ ފްލޮޕް ފިލްމް "ދާކަޑް" އިންނެވެ. ފިލްމުގެ ނާކާމިޔާބީ އާއެކުގައި، ނެޝްނެލް އެވޯޑް ތިން ފަހަރު ހޯދައިފާ ބަތަލާގެ ކުރިއަށް އޮތީވެސް ތަފާތު ފިލްމްއެކެވެ.
ދެން އެންމެ އަވަހަށް ކަންގަނާ ފެންނާނީ އޭނާ އަސްކަރީ ޕައިލެޓެއްގެ ރޯލުން ފެންނަ ވަތަނީ ފިލްމު "ތޭޖާސް"އެވެ.
