ސައުތު އިންޑިއާގެ ފިލްމުތަކުން ފިލްމް އިންޑަސްޓްރީގައި ފިޔަޖަހަންފެށި ސަނާ ޚާނަކީ ބޮލީވުޑުގެ ބައެއް ފިލްމުތަކުންވެސް ފެނިގެން ގޮސްފައިވާ ޒުވާން ރީތި ތަރިއެކެވެ. މަޤުބޫލު ފިލްމު ތަކަކަށްފަހު ފިލްމް އިންޑަސްޓްރީ ދޫކޮށްލުން ވެގެންދިޔައީ ގިނަ ބަޔަކަށް ސިހުންގެނުވި ކަމަކަށެވެ.
ފިލްމް އިންޑަސްޓްރީ ދޫކޮއްލި ނަމަވެސް ސަނާ ދަނީ ސޯޝަލް މީޑިއާ މެދުވެރިކޮށް އޭނާގެ ފޭނުންނާއި ފޮލޯވަރުންނާ ގުޅުން ދަމަހައްޓަމުންނެވެ. ދިރިއުޅުމުގެ މުހިންމު ކަންކަމާއި ހާއްސަ ވަގުތުތަކުގެ ފޮޓޯއާއި ވީޑިއޯ އޭނާ ދަނީ އިންސްޓަގްރާމުގައި ހިއްސާކުރަމުންނެވެ.
ދާދި ފަހުން އޭނާ ވަނީ ފިރިމީހާއާއި އެކު ހޭދަކޮއްފައިވާ އުފާވެރި ވަގުތު ކޮޅަކުން މަންޒަރެއްވެސް ފޭނުންނާ ހިއްސާކޮށްފައެވެ. މި ވީޑިއޯ ވަނީ ސަނާގެ ފޭނެއް އިންސްޓަގްރާމްގައި ޕޯސްޓްވެސް ކޮށްފައެވެ.
ފިރިމީހާއާއި އެކު ކާރު ދުއްވާލަން ގޮސް ނަގާފައިވާ މި ވީޑިއޯވެސް ވެގެންދިޔައީ ހިތްގައިމު ވީޑިއޯއަކަށެވެ. ދީނާ ފުށޫއަރާ ކަމެއް ކަމަށް ޤަބޫލުކޮށް އެކްޓިންއާ ދުރަށްދިޔަ ސަނާ ޚާން މިހާރު މުޅިންވެސް ފެނިގެންދަނީ މޫނު ބުރުގާއެވެ.
View this post on Instagram
މީގެކުރިން ސަނާ ޚާން ވަނީ އޭނާގެ މައިދައިތަ އޭނާއަށް ބިރިޔާނީ ހަދާދޭ މަންޒަރު ދައްކުވައިދޭ ވީޑިއޯއެއްވެސް ބެލުންތެރިންނާ ހިއްސާ ކޮށްފައެވެ. އުފާވެރި ރީތި ދިރިއުޅުމެއް އަބަދުވެސް ބޭނުންވި ސަނާ ޚާންގެ ދިރިއުޅުމުން އެފަދަ ނަމޫނާ އެތައް ކަމެއް އަންނަނީ ފެނަންމުންނެވެ.
ފިލްމް އިންޑަސްޓްރީގައި ސަނާ ޚާން ކޮށްފައިވާ މަސައްކަތްތަކަށް ބަލާލާއިރު ހައްލާ ބޯލް، ޖެއި ހޯ، ވަޖާ ތުމްހޯ އަދި ޓޮއިލެޓް، ފަދަ ފިލްމުތަކުން އޭނާ ވަނީ ފެނިގެން ގޮސްފައެވެ. މީގެ އިތުރުން ސަނާ ޚާންވަނީ ބިގްބޮސް ސީޒަން 6 އަދި ކަތުރޯކާ ކިލާޅީ ފަދަ ރިއަލިޓީ ޝޯތަކުންވެސް ފެނިގެން ގޮސްފައެވެ.
