ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހަކީ މިވަގުތު ރާއްޖޭގައި ވެރިކަން ކުރަން އެންމެ ހެޔޮ ޢާއިލާގެ ބޭފުޅާކަމުގައި ހޯމް މިނިސްޓަރ އިމްރާން ވިދާޅުވެއްޖެއެވެ.
ވެރިކަމުގެ ދެވަނަ ދައުރަކަށް ރައީސް ޞާލިހު އިންތިޚާބު ކުރުމަށް އެންމެ ފުރަތަމަ އެމްޑީޕީއާއިއެކު ކޯލިޝަން ހެދި ޕާޓީއަކީވެސް އިމްރާންގެ އަދާލަތު ޕާޓީއެވެ. އިމްރާން މިހެން ވިދާޅުވީ މިދިޔަ ބްރާސްފަތި ދުވަހުގެރޭ އޮތް ދިވެހިރާއްޖޭގެ އިސްލާމީ ޔުނިވަރސިޓީގެ 2023 ވަނަ އަހަރުގެ ދަސްވެނިވުމުގެ ހަފްލާގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙުގެ އެއްބަނޑު އެއްބަފާ ލޯފަން ތިން ބެއިން އިމާމުކަމުގެ ޑިގްރީ ފުރިހަމަކުރުމާއި ގުޅިގެން ކުރެއްވި ޓުވީޓުގައެވެ.
މިނިސްޓަރ އިމްރާން ވިދާޅުވީ ރައީސް ޞާލިހުގެ ޢާއިލާއަކީ ހެޔޮލަފާ ޞާލިހު ޢާއިލާއެއްކަމަށެވެ. އަދި ރާއްޖޭގެ ވެރިކަން ކުރުމަށް އެއާއިލާގެ ބޭފުޅަކަށްވުރެ ވަކި ހެޔޮ ބޭފުޅަކު ހުންނާނެތޯ އިމްރާން ވަނީ ސުވާލު ކުރައްވާފައެވެ.
Maaiy Allah Raees @ibusolih asha
Raees ge aailaa ah heyo rahumaiy lahvaa dhe dhuniyeyge kaamiyaabu minvaru kohdhehvaashi.
Mivaguthu Raajeyge verikan kurumah miahvure vakin heyo aaila eh ge beyfulhaku hunnaane tho! https://t.co/kwuLt2BgSl— Imran Abdulla (@ShimranAb) May 27, 2023
އެ ޙަފްލާގެ ތެރެއިން އެންމެ ފާހަގަކޮށްލެވުނު އެއްކަމަކީ ދަރަޖަ ޙާޞިލުކުރި އިމާމުންގެ ތެރޭގައި ރައީސުލްޖުމްހޫރިއްޔާގެ އެއްބަނޑު އެއްބަފާ ތިން ބޭފުޅުން ހިމެނިވަޑައިގަތުމެވެ. އެ 3 ބޭފުޅުންނަކީ މޫސާ މުޙައްމަދު ޞާލިޙާއި، ޝާޒްލީއާއި، ޙުސެއިން ޝަޔާޒެވެ. މި ތިން ބޭފުޅުންނަކީވެސް ލޯފަން ތިން ޙާފިޒުންނެވެ. އަދި އެބޭފުޅުން ކޯސް ފުރިހަމަކުރައްވާފައިވަނީ ބްލޮކް މޯޑުގައި ކިޔަވައިގެންނެވެ. މި ތިން ބޭފުޅުން ހިމެނިވަޑައިގަންނަވާހެން ޑިގްރީ ފުރިހަމަކުރި އިމާމުންނަށް މި ޙަފްލާގައި ދަސްވެނިވިކަމުގެ ސަނަދު ޙަވާލުކޮށްދެއްވީ ރައީސުލްޖުމްހޫރިއްޔާގެ އަތްޕުޅުންނެވެ.
ރާއްޖޭގެ މިސްކިތްތަކުގެ އިމާމުންނަށް ޑިގްރީ ފެންވަރަށް ކިޔަވައިދެއްވުމަކީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙުގެ ސަރުކާރުގެ ވަޢުދުފުޅެކެވެ. މި ވަޢުދުފުޅުގެ ދަށުން އިސްލާމިކް މިނިސްޓްރީއާއި ދިވެހިރާއްޖޭގެ އިސްލާމީ ޔުނިވަރސިޓީ ގުޅިގެން، އިމާމުން ޑިގްރީ ފެންވަރަށް ތަމްރީންކުރުމުގެ މަސައްކަތް ފެށީ 2020 ވަނަ އަހަރުގެ ތެރޭގައެވެ.
ކޮމެންޓު ފޮނުވާ