މާޗް މަހުގެ ތެރޭގައި އެމެޒޯން ޕްރައިމް އަށް ދޫކޮށްލި ޝާހުރުކް ހާން ލީޑުން ފެނިގެންދާ ކާމިޔާބު ފިލްމް "ޕަޓާން" އަންނަ މަހުގެ ތެރޭގައި ސްޓާ ގޯލްޑަށް ދޫކޮށްލަން މިހާރު ވަނީ ނިންމައިފަ އެވެ.
އެގޮތުން އަންނަ މަހުގެ 18 ވަނަ ދުވަހުގެ ރޭ ރާއްޖެ ގަޑިން 7:30 ގައި ސްޓާ ގޯލްޑް އެޗްޑީން "ޕަތާން" ޕްރީމިއާކުރަން ވަނީ ހަމަޖެހިފަ އެވެ. މި ފިލްމް ބަލާލަން ބޭނުން ވާ ފަރާތްތަކަށް އުފާވެރި ހަބަރަކަށް ވެގެންދާނެ ކަމާއި މެދުގައި ޝައްކެއް ނެތެވެ.
ބޮކްސް އޮފީހުގައި އާ ރެކޯޑްތަކެއް ހެދި މި ފިލްމަކީ ޔާޝްރާޖް ފިލްމްސް (ވައިއާރްއެފް) އަށް ސިދާތު އާނަންދު ޑައިރެކްޓްކުރި އެކްޝަން ތުރިލާއެކެވެ. ބެލުންތެރިންގެ ބޮޑު މަގުބޫލު ކަމެއް ހޯދި މި ފިލްމް އަކީ އަަހރުގެ މިހާތަނަށް އެންމެ ކާމިޔާބު ފިލްމްވެސް މެއެވެ.
"ޕަތާން" ގެ ކާސްޓްގައި ދީޕިކާ ޕަދްކޯނާއި ޖޯން އަބްރަހަމް ވެސް ހިމެނެއެވެ. މި ފިލްމް ވަނީ ތިން ބަހަކުން ނެރެފައިއެވެ. އެއީ ހިންދީ ބަހުގެ އިތުރުން ޓެމިލް އަދި ޓެލުގޫ ބަހުންނެވެ.
