ފިލްމް ގެ ޝޫޓިންގ ގެ ތެރެއިން ހުނަރުވެރި އެކްޓަރު އަނޫޕަމް ކޭރްގެ ކޮޑު ހުޅަށް ތަދުވެ ފަރުވާ ހޯދައިފައިވާ ކަމަށް އޭނާ ބުނެފިއެވެ.
އުމުރުން 68 އަަރުގެ އެކްޓަރު މިހާރު ކުރަމުން އަންނަނީ "ވިޖޭ 69″ ކިޔާ ފިލްމް އެއްގެ މަސައްކަތެވެ. މި ފިލްމް ގެ ޕޯސްޓަރު ތަކެއްވެސް ވަނީ މީގެ ކުރިން ދައްކައި ލައިފައިއެވެ.
މި ފިލްމް އަކީ އުމުރުން ދުވަސްވީ މީހަކު އިންޑިއާގެ ޓްރައިތޯންއެއްގައި ބައިވެރިވާ ތަން ފެންނަ ފިލްމެކެވެ. އެހެން ކަމުން މި ފިލްމް ގައި އޭނާ ފެނިގެން ދާނީ ވަރަށް ތަފާތު ގޮތަކަށެވެ.
This one's going to be a fun, special ride!🚴
We are happy to announce @YRFEnt's 3rd project #Vijay69 : a quirky slice-of-life film for OTT about a man who decides to compete in a triathlon contest at the age of 69. pic.twitter.com/LiR7GkRTgY
— Yash Raj Films (@yrf) May 4, 2023
ޔަޝް ރާޖް ފިލްމްސްއިން ޕްރޮޑިއުސްކޮށް އަކްޝޭ ރޯއީ ޑައިރެކްޓްކުރާ ވިޖޭ 69 ފިލްމަކީ ސިނަމާގެ ބަދަލުގައި އޯޓީޓީ ޕްލެޓްފޯމް އިން ދައްކަން ހަމަޖެހިފައިވާ ފިލްމްއެކެވެ.
އޭނާ ވަނީ އިންސްޓަގްރާމްގައި އޭނާގެ ހާލަތާއި ބެހޭގޮތުން ޕޯސްޓެއް ކޮށްފައިއެވެ. އަދި ކޮނޑު ހުޅުގައި ސްލިންގެއް އަޅައިގެން ހުރި ފޮޓޯ އާއި އެކުގައި އޭނާ ބުނެފައިވަނީ މިހާރު ހާލު ރަނގަޅު ކަމަށެވެ.
އޭނާގެ ހާލު ރަނގަޅު ވުމާއި އެކުގައި އަލުން ޝޫޓީން ތަށް ކުރިއަށް ގެންދާނެ ކަމަށް ބެލެވެއެވެ. މި ފިލްމް އާއި ބެހޭ މާގިނަ ތަފްސީލެއް އަދި ހާމައެއް ނުކުރެއެވެ. އަދި ފިލްމް ބެލުންތެރިންނަށް ގެނެސްދޭނެ ދުވަހެއްވެސް އިއުލާނެއް ނުކުރެއެވެ.
ކޮމެންޓު ފޮނުވާ