ތިން ރަށެއްގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީ (އތމ)ތަކަށް ވޯޓަކައި ނުލައި މެންބަރުން ހޮވައިފިއެވެ.
އިންތިޚާބަކާ ނުލައި މެންބަރުން ހޮވާފައިވަނީ ށ.މާއުނގޫދޫއާއި ރ.މީދުއާއި ގދ.ވާދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކަށެވެ.
މިއީ އަންހެނުންގެ ތަރައްޤީއަށް މަސައްކަތް ކުރާ ކޮމެޓީތަކުގެ ބައިއިލެކްޝަންތައް އަހަރަކު އެއްފަހަރު ބާއްވާ ގޮތަށް ޤާނޫނަށް ގެނައި އިޞްލާޙާއެކުއައި ބަދަލެކެވެ. މިއީ މިއަހަރު ޖޫން މަހުގެތެރޭގައި ބާއްވާގޮތަށް ކުރިން ތަޢާވަލުކޮށްފައިވާ ބައިއިލެކްޝަން ތަކެކެވެ.
ކުރިން އޮންނަގޮތުންނަމަ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެންބަރަކު އިސްތިއުފާދެއްވައިފިނަމަ، 60 ދުވަހުގެ ތެރޭގައި ބައިއިލެކްޝަނެއް ބާއްވަންޖެހެއެވެ. ޤާނޫނަށް އަލަށްގެނެސްފައިވާ އިސްލާޙާއެކު ދެން މިއިންތިޚާބުތައް ބާއްވަން ޖެހޭނީ އަހަރަކު އެއްފަހަރުއެވެ.
ކޮމެންޓު ފޮނުވާ