މިއަހަރު ބާއްވާ ރިޔާސީ އިންތިޚާބުގައި ކުރިމަތިލައްވަން ނިންމަވާފައިވާ ކެނޑިޑޭޓުންގެ މެދުގައި މިނިސްޓަރ ފައްޔާޒު އިސްމާއިލްގެ ބޭބެ އިބުރާހިމް އިސްމާއިލް ކުރިއަށް ގެންދިޔަ ޕޯލް ބޮޑު ތަފާތަކުން ޖުމްހޫރީ ޕާޓީގެ ކެނޑިޑޭޓް ޤާސިމް އިބްރާހިމް ކާމިޔާބު ކުރައްވައިފިއެވެ.

އެމްޑީޕީގެ އެންމެ ފުރަތަމަ ރައީސްކަންވެސް ކުރެއްވި އިބުރާ ކުރިއަށް ގެންދިޔަ ޕޯލްގައި 14،387 މީހަކު ވޯޓު ދީފައިވެއެވެ. ޓުވިޓާ މެދުވެރިކޮށް އޭނާ ކުރިއަށް ގެންދިޔަ މި ޕޯލްގައި ވޯޓު ދިން މީހުންގެ 49 އިންސައް މީހުން ބުނެފައިވަނީ އިންތިޚާބު ކާމިޔާބު ކުރާނީ ޖުމްހޫރީ ޕާޓީގެ ކެނޑިޑޭޓް ޤާސިމް އިބްރާހިމް ކަމަށެވެ.

މިޕޯލްގެ ނަތީޖާ ދައްކާގޮތުން ޕޯލްގެ އެންމެ ފުލަށް ދިޔައީ މިހާރުގެ ރައީސް އަދި އެމްޑީޕީގެ ކެނޑިޑޭޓް އައީސް އިބްރާހިމް މުހައްމަދު ޞާލިހުއެވެ. މި ޕޯލްގެ ދެވަނަ ލިބުނީ 30 އިންސައްތަ ވޯޓާއިއެކު އެމްއެންޕީގެ ކެނޑިޑޭޓް ކާނަލް ނާޒިމަށެވެ. 12 އިންސައް ވޯޓާއިއެކު އުމަރު ނަސީރު ތިންވަނައަށް ދިޔައިރު، ރައީސް އިބްރާހިމް މުހައްމަދު ޞާލިހަށް ލިބުނީ 9 އިންސައްތަ ވޯޓެވެ.

މިހާރު ކުރިމަތިލާފައި ތިބި މީހުން ތެރޭން، މިގުތު ވޯޓްލާން ވިސްނުންހުރީ ކާކަށް
ރީޓްވީޓް ކޮއްލައްޗޭ!

— Maverick Ibra (@ibramandhu) March 31, 2023

ރިޔާސީ އިންތިޚާބު ގާތްވަމުންދާ ވަރަކަށް މިފަދަ ޕޯލްތަކާއި، ޚިޔާލް ހޯދުންތަކުގެ ދިރާސާތައް އެކި ބޭފުޅުން ދަނީ ކުރައްވަމުންނެވެ. ރާއްޖޭގެ ސިޔާސީ މަސްރަހު މިހާރު ފެންނަ ގޮތުން ކުރިއަށް އޮތް ރިޔާސީ އިންތިޚާބަކީ ވާދަވެރިކަން ބޮޑުވެގެންދާނެ އިންތިޚާބެއް ކަމަށް ބެލެވެއެވެ. މިއިންތިޚާބުގެ ވާދަވެރިކަން ބޮޑުވެފައިވާ އެންމެބޮޑު އެއްސަބަބަކީ އެމްޑީޕީގެ ރައީސް މުހައްމަދު ނަޝީދު އެޕާޓީގެ ކެނޑިޑޭޓާއި ދެކޮޅަށް އިންތިޚާބުގައި މަސައްކަތް ކުރަން ނިކުންނެވުމެވެ.

މިފަހަރުގެ އިންތިޚާބުގައި ވާދަކުރާ ޖުމްހޫރީ ޕާޓީއަކީވެސް މިހާރު އޮތް ސަރުކާރު ކޯލިޝަންގެ ބައިވެރިއެކެވެ. ޖުމްހޫރީ ޕާޓީން ޤާސިމް ވާދަކުރަން ނިންމި ހިސާބުން އެޕާޓީގެ ސްލޮޓްތަކުގައި އެކި މަޤާމުތައް ފުރުއްވާ ބޭފުޅުން ދަނީ ޕާޓީން ވަކިވެ ރައީސް ޞާލިހަށް ތާއީދު ކުރަމުންނެވެ.

މިއަހަރު ބާއްވާ ރިޔާސީ އިންތިޚާބު ސެޕްޓެމްބަރު 9ގައި ބާއްވަން އިލެކްޝަންސް ކޮމިޝަނުން ވަނީ ނިންމަވާފައެވެ. އެ ކޮމިޝަނުން ވިދާޅުވީ އިންތިޚާބުގައި ދެވަނަ ބުރެއް ބާއްވަން ޖެހޭނަމަ އެ ވޯޓްލުން އޮންނާނީ 30 ސެޕްޓެމްބަރު ގައިކަމަށެވެ.