ސައުތުުގެ ފިލްމު އިންޑަސްޓްރީގެ އެންމެ ނަންހިގާ އެއް އެކްޓަރު ޕްރަބާސްގެ ކުރިއަށް އޮތް ފިލްމު "އަދިޕުރުޝް" އަޅުވާ ތާރީހާއި އެކު އެ ފިލްމްގެ އައު ޕޯސްޓަރެއް ދައްކައިލައިފިއެވެ.
ބުޝަން ކުމާރުގެ ޓީ ސީރީޒުން ޕްރޮޑިއުކޮށް، އޯމް ރައުތު ޑައިރެކްޓްކޮށްފައިވާ މި ހުރާފީ ފިލްމު ސިނަމާތަކަށް ގެންނަން ތާވަލުކޮށްފައި ވަނީ ޖޫން މަހުގެ 16 އަށެވެ. މި ފިލްމް އަށް މީގެ ކުރިންވެސް ތާރީހެއް ދިނެވެ. ނަމަވެސް ފިލްމް އެޅުވުން ލަސްވެގެން ގޮސް އަނެއްކައިވެސް މިވަނީ އައު ތާރީހްއެއް ލިބިފައިއެވެ.
View this post on Instagram
މި ފިލްމުގެ ޓީޒާއެއް ވެސް މީގެ ކުރިން ވަނީ ބެލުންތެރިންނަށް ދޫކޮށްލާފައެވެ. ހިންދޫ މީތޮލޮޖިކަލް ފިލްމު އަދިޕުރުޝްގެ ޓީޒާގައި، ފިލްމުގެ ލީޑު ތިން ތަރިން ކަމަށްވާ ޕްރަބާސްއާއި ސައިފް އަލީ ޚާނާއި ކްރިތީ ސެނޮން ފިލްމުގައި ފެންނާނެ ގޮތް ވަނީ ދައްކާލައިފައެވެ. މީ ޖުމްލަ 550 ކްރޯޑް ރުޕީސް (67 މިލިއަން ޑޮލަރު) ގެ ބަޖެޓަކުން ވަރަށް ގްރޭންޑް ކޯށް ހަދާ ފިލްމްއެކެވެ.
ސައިފް މި ފިލްމުގައި ކުޅެފައިވަނީ ނެގެޓިވް ރޯލެކެވެ. އަދި ހީރޯގެ ގޮތުގައި ޕްރަބާސް ފެނިގެންދާއިރު ކްރިތީ އަކީ އޭނާގެ ލޯބިވެރިޔާއެވެ. މި ތިން ތަރިންގެ އިތުރުން ފިލްމުގެ މުހިންމު ރޯލުތަކުން ސަނީ ސިންގ، ދޭވްދައްތާ ނާގޭ، ވަޓްސަލް ޝެތު، ސޯނަލް ޗޯހަން އަދި ތުރުޕްތީ ތޮރަޑްމާލް ފަދަ ތަރިން ފެނިގެންދާނެއެވެ.
ހިންދީ، ތަމަޅަ، ޓެލެގޫ، ކަންނަޑާ އަދި މަލަޔާލަމް، މި 5 ބަހުން ޑަބްކޮށް ނެރެން ހަމަޖެހިފައިވާ މި ފިލްމަކީ ޓީ-ސީރީޒާއި ރެޓްރޯފައިލްސް ގުޅިގެން، 500 ކްރޯޑް ރުޕީސްގެ ބަޖެޓަކުން އުފައްދާފައިވާ ފިލްމެކެވެ.
