ބޮލީވުޑްގައި ޕްލާސްޓިކް ސާޖަރީ އަކީ އާންމު އެއްޗެކެވެ. ގިނަ ތަރިން ޕްލާސްޓިްކ ސާޖަރީ ހަދާކަމީ އެކަކަށްވެސް އޮޅިފައި އޮތް ކަމެއް ނޫނެވެ. އެމީހުން ރީތިކަން ދެމެހެއްޓުމަށް ޕްލާސްޓިކް ސާޖަރީއަކީ އެންމެ ފަސޭހަ ގޮތް ކަމުގައި ގަބޫލު ކުރެއެވެ. ނަމަވެސް މީގެ އެންމެ ހެއްވާ ކަމަކީ އެއްވެސް ތަރިއަކު ޕްލާސްޓިކް ސާޖަރީ ހެދިކަމަށް އެއްބަސް ނުވާތީއެވެ.
މޫނުގެ ބައްޓަން ރީތި ކުރުމަށް ހާއްސަކޮން ޖޯ ލައިން ރީތި ކުރުމަށް ބޮލިވުޑްގެ ހުނަރުވެރި އެކްޓަރު ރާޖް ކުމާރު ރާއޯ ޕްލާސްޓިކް ސާޖަރީ ހެދިކަމަށް މީޑީއާއި ބުނުމުން އޭނާ އެކަމަށް ރައްދު ދީފިއެވެ. މީޑިއާއިން ބުނީ ރާޖް ޕްލާސްޓީކް ސާޖަރީ ހަދައިފައިވާކަމަށެވެ.
ނަމަވެސް މިކަމަށް ރައްދުދީ 38 އަހަރުގެ އެކްޓަރު ބުނީ ދުވަހަކު ވެސް ޕްލާސްޓިކް ސާޖަރީ ނަހަދާ ކަމަށެވެ. އަދި މީހުން އެފަދަ ވާހަކަ ދައްކަން ޖެހޭ ސަބަބެއްވެސް ނޭގޭ ކަމަށް ސިދާތު ކަންނާން އަށް ދިން އިންޓަވިއުއެއްގައި އޭނާ ވަނީ ބުނެފައިއެވެ.
އެފަދަ ބައެއް ވާހަކަ ތަކަކީ ހަގީގަތެއް ނެއް ވާހަކަ ތަކެއް ކަމަށާއި އެފަދަ ވާހަކަ ތަކަކީ އެއް ކަންފަތުން ވަނުމުން އަނެއް ކަންފަތުން ނެރެލަންޖެހޭ ކަހަލަ ވާހަކަ ތަކެއް ކަމަށް އޭނާ ވަނީ ބުނެފައިއެވެ. އަދި އެފަދަ ވާހަކަ ތަކަކީ ގަބޫލު ކުރަން ހެޔޮނުވާނެ ވާހަކަ ތަކެއް ކަމަށްވެސް އޭނާ ވަނީ ބުނެފައިއެވެ.
ރާޖްގެ އެންމެ ފަހުގެ ފިލްމަކީ މިދިއަ ހުކުރު ދުވަހު ސިނަމާތަކަށް ގެނައި "ބީޅް" އެވެ. އޭނަގެ ކުރިއަށް ހުރި ފިލްމުތަކުގެ ތެރޭގައި "މިސްޓަ އެންޑް މިސިޒް މާހީ" އާއި "ސްރީ" ހިމެނެ އެވެ.
