ދިފާޢީ ދާއިރާއިން އިތުރަށް ގުޅުންބަދަހިކޮށް، ކޯވިޑް-19ގެ ޙާލަތުން އަރައިގަތުމުގައި ގުޅިގެން މަސައްކަތްކުރުމާއި ބެހޭގޮތުން ޑިފެންސް މިނިސްޓަރ މާރިޔާ އަޙްމަދު ދީދީ، ސްރީލަންކާގެ ބޮޑުވަޒީރު މަހިންދަ ރާޖަޕަކްސައާއި ބައްދަލުކުރައްވާ މަޝްވަރާކުރައްވައިފިއެވެ.
ސްރީލަންކާގެ ބޮޑުވަޒީރާއި ބައްދަލުކުރައްވާ މިނިސްޓަރ މާރިޔާ ވަނީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ހޮޔޮއެދުންތައް ބޮޑުވަޒީރަށް އަރިސްކުރައްވާ، ސްރީލަންކާއިން އަބަދުވެސް ރާއްޖެއަށް ވެދެއްވާ އެހީތެރިކަން ފާހަގަކުރައްވާފައެވެ. އަދި ދެބޭފުޅުން ވަނީ ދިފާއީ އަދި އަސްކަރީ ދާއިރާއިން ގުޅިގެން ކުރާ މަސައްކަތް އިތުރަށް ހަދުރަނާކުރުމަށާއި، ކޯވިޑް-19އިން އަރައިގަތުމަށް ކުރެވޭ މަސައްކަތްތަކާއި ގުޅޭގޮތުން މަޝްވަރާކުރައްވާފައެވެ.
Minister @MariyaDidi met with Hon. Prime Minister of Sri Lanka HE @PresRajapaksa. The Minister brought greetings & thanks from HEP @ibusolih to Govt & people of #SriLanka for assisting #Maldives at all times. Discussed boosting ???? Defence Cooperation & #COVID19 safety measures. pic.twitter.com/DJ0GI5KAuC
— Ministry of Defence (@MoDmv) November 27, 2020
މިނިސްޓަރ މާރިޔާ ސްރީލަންކާގެ ކުރީގެ ރައީސް އަދިމިހާރގެ ބޮޑުވަޒީރު ރާޖަޕަކްސައާއި ބައްދަލުކުރައްވަފައިވާއިރު، އެކަމަނާ ސްރީލަންކާއަށް ވަޑައިގަތީ، އިންޑިއާ ކަނޑުގެ ސަލާމަތާއި ބެހޭ ބައްދަލުވުމުގައި ބައިވެރިވެވަޑައިގަތުމަށެވެ. މިނިސްޓަރ މާރިޔާ ސްރީލަންކާއަށް ވަޑައިގެންނެވުމުން މަރުޙަބާ ދެންނެވީ ސްރީލަންކާގެ ނޭވީ ކޮމާންޑަރ ވައިސް އެޑްމިރަލް ނިޝަންތަ އުލުގެޓެންނެވެ.
ޑިފެންސް މިނިސްޓަރގެ މި ދަތުރުފުޅަކީ ސްރިލަންކާގެ ކޮލޮމްބޯގައި ބޭއްވުމަށް ހަމަޖެހިފައިވާ 4 ވަނަ "އެން.އެސް.އޭ ލެވަލް މީޓިންގ އޮން ޓްރައިލޭޓަރަލް މެރިޓައިމް ސެކިއުރިޓީ ކޯޕަރޭޝަން"ގައި ބައިވެރިވެވަޑައިގަތުމަށް އެކަމަނާ ކުރައްވާ ދަތުރުފުޅެއްކަމަށެވެ. މި ބައްދަލުވުން ކުރިއަށްދާނީ މިމަހުގެ 27 އިން 28 އަށެވެ.
On Friday, Hon. Minister @MariyaDidi arrived in #SriLanka to attend the 4th NSA-level Trilateral Meeting on Maritime Security Cooperation. The Minister was welcomed by Commander of the Sri Lankan Navy, Vice Admiral Nishantha Ulugetenne. pic.twitter.com/ug5rD8iVnY
— Ministry of Defence (@MoDmv) November 28, 2020
މިއީ ސްރީލަންކާގެ ސެކްރެޓަރީ އޮފް ޑިފެންސްގެ ރަސްމީ ދަޢުވަތަކަށް ކުރައްވާ ދަތުރުފުޅެކެވެ. 6 އަހަރުގެ މެދުކެނޑުމަކަށްފަހު ބާއްވާ މި ބައްދަލުވުމުގައި، އިންޑިޔާ ކަނޑުގެ ސަރަޙައްދަށް ސަލާމަތީގޮތުން ކުރިމަތިވެފައިވާ ގޮންޖެހުންތަކާ ބެހޭގޮތުން، ދިވެހިރާއްޖޭގެ އިތުރުން، އަވަށްޓެރި އިންޑިޔާއާއި ސްރީލަންކާގެ އެންމެ މަތީ ފަންތީގެ ސެކިއުރިޓީ އެޑްވައިޒަރުން މަޝްވަރާކުރައްވާނެއެވެ. މިބައްދަލުވުމުގެ އޮބްޒަރވަރުންގެ ތެރޭގައި އަވަށްޓެރި ބަންގްލަދޭޝް، މޮރިޝަސް އަދި ސީޝެލްސް ހިމެނެއެވެ.
މިނިސްޓަރ މާރިޔާ ވަނީ މިސަރަހައްދުގެ ސިފައިންގެ އިދާރާތަކާއި އޮންނަ ގުޅުން ހަރުދަނާކުރުމަށް، އަވަށްޓެރި އިންޑިޔާއާއި، ސްރީލަންކާއި، ބަންގްލަދޭޝްފަދަ ޤައުމުތަކާއި އޮންނަ ގުޅުން އިތުރަށް ހަރުދަނާކުރުމަށް ގިނަ މަސައްކަތްތަކެއް ކުރައްވަމުންނެވެ. އަދި ސަރަހައްދީ ފެންވަރުގައި އަސްކަރީގޮތުން ގުޅުން އިތުރަށް ޤާއިމްކުރުމާއި ގުޅޭ ގޮތުންވެސް އެކަމަނާ ދަނީ ގިނަ މަސައްކަތްތަކެއް ކުރައްވަމުންނެވެ.
ކޮމެންޓު ފޮނުވާ