މި އަހަރުގެ ޖޫން 2 އަކަށް ސިނަމާ ތަކަށް ގެންނަށް ތާވަލު ކޮށްފައި އޮތް ފިލްމް "ޖަވާން" އަނަން އޮކްޓޯބަރަށް ފަސްކޮށްފާނެ ކަމަށް ރިޕޯޓްތައް ބުނެފި އެވެ.
މި ފިލްމް އަކީ ލީޑޫން ޝާހުރުކް ހާން އާއި ސައުތުގެ މަޝްހޫރު ބަތަލާ ނަޔަންތަރާ ފެނިގެންދާ ފިލްމްއެކެވެ. މި ފިލްމްގެ ޕޯސްޓަރު ތަކެއްވެސް މިހާރު ވަނީ ދައްކައިލައިފައިއެވެ. އަދި ހަމަ އެއާއި އެކުގައި ފިލްމް ގެ ޝޫޓިންވެސް ވަނީ ނިންމައިލައިފައިއެވެ.
މައުލޫމާތު ލިބޭ ގޮތުގައި އެ ފިލްމުގެ ވީއެފްއެކްސް އާއި އެޑިޓިން އަށް ކުރިން ޕްލޭންކުރި ވަރަށް ވުރެ ގިނަ ވަގުތު ނަގާނެތީ ޖޫން 2 ގައި "ޖަވާން" ރިލީޒްނުކުރުމުގެ ފުރުސަތު ބޮޑު ކަމަށް ވެއެވެ.
އަދި ހަމަ އެއާއި އެކުގައި މި ފިލްމް ފަސްކުރުމުގެ މަޝްވަރާ ތަކެއް ޝާހު އާއި ފިލްމް ގެ ޓީމުން ކުރަމުން އަންނަ ކަމަށް ވެއެވެ. ހާއްސަ ކޮން ފިލްމްގެ ޑައިރެކްޓަރު އެޓްލީ އާއި ޝާހު ވަރަށް ސީރިއަސް ކޮށް މަޝްވަރާ ކުރުންތަށް ކުރިއަށް ގެންދާ ކަމަށްވެއެވެ.
View this post on Instagram
މީ އަދި ފިލްމްގެ ޓީމުން ކަށަވަރު ކޮށްދިން ހަބަރަކަށް ނުވިނަމަވެސް މި ފިލްމް އަކީ ބެލުންތެރިން އުންމީދު ކުރާ ވަރުގެ ފިލްމް އަކަށް ހެދުމަށް ގިނަ މަސައްކަތްތަށް ކުރާނެ ކަމަށް ބެލެވެއެވެ. ސަބަބަކީ މީ ގިނަ ރެކޯޑް ތަކެއް މުގުރާލި ޝާހުގެ "ޕަޓާން" އަށް ފަހު ރިލީޒް ކުރާ ފިލްމް އަކަށް ވުމެވެ.
މީ ވަރަށް އުންމީދީ ފިލްމްއެކެވެ. "ޖަވާން" އަކީ މުޅި ބޮލީވުޑް އަދި ސައުތުގެ ސިނަމާ އަށް ވެސް ވަރަށް ހާއްސަ ފިލްމް އަކަށް ވެގެން ދާނެއެވެ. އެއީ ސައުތު އިންޑަސްޓްރީގައި ތިބި އެންމެ ތަޖުރިބާ ކާރު އަދި އެހާމެ މަޝްހޫރު ތަރިން މި ފިލްމް އިން ތައާރަފް ވުމެވެ.
