ބޮލީވުޑްގެ ކާމިޔާބު އެތަށް ފިލްމް ތަކެއް ގެނެސްދީފައިވާ ކުޅަދާނަ ޑައިރެކްޓަރު ސަންޖޭ ލީލާ ބަންސާލީގެ ފުރަތަމަ ވެބް ސީރީޒް "ހީރާމަންޑީ" ގެ ބަތަލާއިންތަކަކާ އެކީ އޭގެ ފަސްޓްލުކް މިއަދު ދައްކާލައިފި އެވެ.
ބަންސާލީ ނެޓްފްލިކްސްގެ ސީއީއޯ ޓެޑް ސަރަންޑޯސްއާ އެކު މުމްބާއީގައި ބޭއްވި "ހީރާމަންޑީ" ގެ ފަސްޓްލުކް ލޯންޗް ކުރުމަށް ބޭއްވި ހަފުލާގައި މި ވެބްސީރީޒްއާއި ބެހޭ ގޮތުން ވަނީ ވާހަކަ ދައްކައިފައިއެވެ. އޭނާގެ ވާހަކައިގައި އިންޑިއާގެ ތާރީޚީ ވާހަކަތައް ހެދުމުގައި ސަމާލުވާންޖެހޭ ކަމަށާއި ތާރީޚީ ހާދިސާތައް ތަފާތު ގޮތަކަށް ދެކޭ އަދި ދައްކުވައިދެނީ ކީއްވެތޯ ވެސް ފިލްމު ޕްރޮޑިއުސަރު ވަނީ ވާހަކަ ދައްކައިފަ އެވެ.
ތެރޭގައި ހިމެނެނީ ސޮނާކްޝީ ސިންހާ އާއި މަނީޝާ ކޮއިރަލާ އާއި އަދިތީ ރާއޯ ހައިދަރީ އާއި ރިއްޗާ ޗައްޑާ އާއި ސަންޖީދާ ޝެއިހްގެ އިތުރުން ބަންސާލީ އަށް ބޮޑުބޭބެ ކިޔާ ޝަރުމިން ސޭގަލް އެވެ.
މި ބަތަލާއިންގެ ތެރެއިން މަނީޝާ އަކީ ބަންސާލީގެ ފުރަތަމަ ފިލްމު 1996 ގެ "ހާމޯޝީ: ދަ މިއުޒިކަލް" ގެ ބަތަލާ އެވެ. މިއީ ވެބް ސީރީޒެއް ނަމަވެސް އޭނާ ނެޓްފްލިކްސް އަށް ހަދަމުން އަންނަ ހީރަމަންޑީ އަކީ ސަންޖޭ ލީލާ ބަންސާލީ މިހާތަނަށް ކުރި އެންމެ އުންމީދީ މަސައްކަތެވެ.
View this post on Instagram
ނެޓްފްލިކްސް އަށް ހަދާ 8 އެޕިސޯޑްގެ މި ވެބް ސީރީޒްގައި ކިޔައިދެނީ އިންޑިއާ އަށް މިނިވަންކަން ލިބުމުގެ ކުރިން އަދި ގައުމު ބައިބައިވުމުގެ ކުރިން، ލާހޯރްގެ ރެޑް ލައިޓް އޭރިއާގައި އުޅުނު ޝާހީ ޖާރިޔާއިންގެ ވާހަކަ އެވެ.
