ވ. ފެލިދުއާއި ކެޔޮދޫ ގޮނޑުދޮށް ހިމާޔަތް ކުރުމުގެ މަޝްރޫޢު ގެ އެއްބަސްވުމުގައި ސޮއިކޮށްފިއެވެ.
މިމަޝްރުޢުގެ ކޮންޓްރެކްޓަރަކީ ސާސް-އީ ކޮންސްޓްރަކްޝަން ޕްރައިވެޓް ލިމިޓެޑެވެ. ޖުމުލަ 23.128,793,33 ރުފިޔާގެ މިމަޝްރޫޢު 450 ދުވަހުގެތެރޭގައި ނިންމަންޖެހެއެވެ.
މިމަޝްރޫއުގެ ދަށުން ފެލިދޫގައި 165 މީޓަރު، (40 މީޓަރުގެ ހަތް) ބޮޑުހިލައިގެ ވައި-ގްރޮއިން ޤާއިމްކުރާނެއެވެ. އަދި 129 މީޓަރުގެ ބޮޑުހިލައިގެ ގްރޮއިން ޤާއިމްކޮށް 131 މީޓަރުގެ ބޮޑުހިލައިގެ ރިވެޓްމަންޓް ޤާއިމްކުރާނެއެވެ. މީގެއިތުރުން 15،000 ކޮޑިމީޓަރގެ ވެލިން ގޮނޑުދޮށް މުއްސަނދިކުރުމަށްވެސް ކަނޑައެޅިފައިވެއެވެ.
ކެޔޮދުއަށް ބަލާލާއިރު، އެރަށުގައި 280 މީޓަރު (55 މީޓަރުގެ ތިން) ބޮޑުހިލައިގެ ވައި-ގްރޮއިން ޤާއިމްކުރާނެއެވެ. އަދި 120 މީޓަރުގެ ބޮޑުހިލައިގެ ބްރޭކްވޯޓަރ ޤާއިމްކުރުމާއެކު 20،000 ކޮޑިމީޓަރގެ ވެލިން ކެޔޮދޫ ގޮނޑުދޮށް މުއްސަނދިކުރަން ކަނޑައަޅާފައިވެއެވެ.
މި ކޮންޓްރެކްޓްގައި މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން ސޮއި
ކުރެއްވީ ޑިރެކްޓަރ ޖެނެރަލް ފާތިމަތު ޝާނާ ފާރޫޤެވެ. އަދި، ސާސް-އީ ކޮންސްޓްރަކްޝަން ޕްރައިވެޓް
ލިމިޓެޑްގެ ފަރާތުން ސޮއި ކުރެއްވީ އެ ކުންފުނީގެ މެނޭޖިންގ ޑިރެކްޓަރ ސަޢުދުالله އަޙްމަދެވެ.
