ފަސް އަހަރެއްހައި ދުވަސް ފަހުން އެނބުރި ބޮޑުސްކްރީންއަށް އައި ޝާހުރުކް ހާން ގެ ފުރަތަމަ ފިލްމް "ޕަޓާން" އިން އަންނަނީ ގިނަ ރެކޯޑްތަކެއް މުގުރަމުންނެވެ. މި ފިލްމް ވެގެން ގޮސްފައިވަނީ ބޮލީވުޑްއަށް އަހަރުގެ ފެށުން ރަނގަޅު ކޮށްދިން ފިލްމްއަށެވެ.
މި ފިލްމްގެ ލީޑުން ޝާޙުރުކް ހާން އާއި އެކުގައި ފެނިގެން ގޮސްފައިވަނީ ދީޕިކާ ޕަދުކޯން އާއި ޖޯން އަބަރްހަމްއެވެ. ގިނަ ބަޔަކަށް ވަނީ މި ފިލްމްގައި ސަލްމާން ހާންގެ ހާއްސަ ފެނިލުމެއްވެސް ވަނީ ހިމަނާފައިއެވެ.
ޝާހު އާއި އެކުގައި ސަލްމާން ފެނިގެންދިއަ މި ހާއްސަ ފެނިލުމަށް ބެލުންތެރިންގެ ބޮޑު ތަރުހީބެއް ވަނީ ލިބިގެން ގޮސްފައިއެވެ. އެއާއި އެކުގައި ސޯޝަލް މީޑިއާގައި ވަނީ ތަފާތު ވާހަކަތަށް ހިއްސާ ކޯށްފައިއެވެ. އެގޮތުން ޓްވިޓާގައި މީހަކު ބުނީ ޕަތާން ކިތަންމެ ކާމިޔާބީއެއް ހޯދިޔަސް، ބޮކްސް އޮފީހުގައި އެ ފިލްމަށް ސަލްމާނާ ވާދަނުކުރުވޭނެ ކަމަށެވެ.
Salman bhai is…woh kya kehte hain aaj kal…young log…haan….GOAT. ( greatest of all time ) #Pathaan https://t.co/91HJy8UZxU
— Shah Rukh Khan (@iamsrk) January 28, 2023
މި ޓްވީޓަށް ޖަވާބު ދެމުން ޝާހު ބުނީ ސަލްމާން އަކީ މިހާރުގެ ޒުވާނުންގެ ބަހުން ނަމަ ގޯޓް (ގްރޭޓެސްޓް އޮފް އޯލް ޓައިމް) ކަމަށެވެ. މީގެ ކުރިންވެސް ސަލްމާން އަށް ތައުރީފް ކޮށް ޝާހު ވަނީ ވާހަކަ ދައްކައިފައިއެވެ.
ސަލްމާން އާއި ޝާހުރުކް އަކީ ވަރަށް ގާތް ދެ ރަހުމަތްތެރިންނެވެ. ބޮލީވުޑްއިން އެފަދަ ދެ ރަހުމަތްތެރިން ނުފެންނާނެ ކަމަށް ގިނަ ބަޔަކު ބުނެއެވެ. އެދެމީހުން އެކަކު އަނެއްކަކަށް ވަރަށް ބޮޑަށް ސަޕޯޓްކޮށް ވާހަކަދައްކައެވެ.
