ބޮލީވުޑްގެ މަޝްހޫރު ބަތަލާ ރާނީ މުކަރްޖީގެ އާ ފިލްމު "މިސިޒް ޗެޓަޖީ ވާސަސް ނޯވޭ" ރިލީޒްކުރާ ތާރީހަށް ބަދަލެއް ގެނެސްފި އެވެ.
ފިލްމް ޝޫޓިންގ ނިންމައި ޕޯސްޓް ޕްރޮޑަކްޝަން މަރުހަލާގައި އޮތް ފިލްމު ކުރިން މާޗް 3 އަށް ތާވަލުކޮށްފައި އޮތް ނަމަވެސް މިހާރު އެ ތާރީހު އެ މަހުގެ 17 އަށް ބަދަލުކޮށްފަ އެވެ. އެހެން ކަމުން 14 ދުވަހުގެ ލަސްވުމެއް މި ފިލްމް ރިލީޒް ކުރުމަށް އަންނާނެއެވެ.
2021 ވަނަ އަހަރުގެ ފިލްމް "ބަންޓީ އޯރް ބަބްލީ 2″ އިން އެންމެ ފަހުން ފެނުނު 44 އަހަރުގެ ބަތަލާގެ މި ފިލްމަކީ ބޭރުގައުމެއްގައި މަންމަ އަކު ދަރިއަކަށް އިންސާފު ހޯދައިދިނުމަށް ކުރާ މަސައްކަތްތަކެއް ދައްކުވައިދޭ ފިލްމެކެވެ.
View this post on Instagram
ޑައިރެކްޓަރު ޕްރޮޑިއުސަރު ނިކިލް އަދުވާނީގެ އެންމޭ އެންޓަޓައިންމަންޓުން ޕްރޮޑިއުސްކުރާ މި ފިލްމުގެ ބޮޑުބައި ނޯވޭގައި ޝޫޓްކޮށްފައިވާއިރުގައި މީގެ ޑައިރެކްޓަރަކީ 2013 ވަނަ އަހަރު ގެނެސްދިން "މޭރޭ ޑޭޑް ކީ މަރޫޓީ" ގެނެސްދިން އާޝިމާ ޗިބާރެވެ. މި ފިލްމަކީ ރާނީގެ ފިރިމީހާ އަދިތިޔާ ޗޯޕްޅާގެ ފިލްމު ކުންފުނި، ޔާޝްރާޖް ފިލްމްސް، ވައިއާރްއެފް ގެ ފިލްމެކެވެ.
