"ޕަޓާން" އަކީ ބޮލީވުޑްގެ ފިލްމުތައް ބޮއިކޮޓްކުރަން ގޮވާލައި އެ އިންޑަސްޓްރީ އަށް ފާޑުކިޔާ މީހުންގެ ކަންކަށިމަތީ އެޅީ ވަރުގަދަ ތަފާލެއް ކަމަށް ނުފޫޒު ގަދަ ޕްރޮޑިއުސަރު/ ޑައިރެކްތަރު ކަރަން ޖޯހަރު ބުނެފިއެވެ.
މި މަހުގެ 25 ގައި ރިލީޒް ކުރި "ޕަޓާން ވަނީ ބޮކްސް އޮފީހުގައި ރެކޯޑެއް ގާއިމް ކޯށްފައިއެވެ. އެގޮތުން އެ ފިލްމް ވަނީ ފިލްމް އެޅުވި ދުވަހުގައި ރިކޯޑް އަދަދެއްގެ ވިޔަފާރިއާއި އެކު، އިންޑިއާގެ ބޮކްސް އޮފީހުގެ އެންމެ މަތިން ޖާގަ ހޯދި ފިލްމްގެ ލިސްޓްގެ ކުރިން ޖާގަ ހޯދައިފައިއެވެ.
މިއާއި ގުޅިގެން ފިލްމް އަށް ވަަރަށް ބޮޑަށް ތައުރީފުކޮށް ވަރުގަދަ ފިލްމެއް ގެނެސްދިނީތީ ޝުކުރު އަދާކޮށް ކަރަން ކުރި ޕޯސްޓެއްގައި ބުނީ "ޕަތާން" އަކީ ބޮލީވުޑާ ދިމާކުރާ މީހުންނަށް އިންޑަސްޓްރީން ދިން ރައްދެއް ކަމަށާއި އެ އިންޑަސްޓްރީ ދެކެ ވަރަށް ލޯބިވާ ކަމަށެވެ. އަދި ފިލްމް ގެ ޑައިރެކްޓަރު ސިދާތް އާނަންދު އާއި ޕްރޮޑިއުސަރު އަދި ގާތް އެކުވެރިޔާ އަދިތިޔާ ޗޯޕްޅާ އަށްވެސް ވަރަށް ތައުރިފް ވަނީ ކޮށްފައިއެވެ.
View this post on Instagram
ޕަޓާން ވެގެން ގޮސްފައި ވަނީ ވަރަށް ކާމިޔާބު ފިލްމް އަކަށެވެ. އެގޮތުން އެޅުވި ދުވަހު އިންޑިއާ އިން އެކަނި 55 ކްރޯޑް ރުޕީސް (6.13 މިލިއަން ޑޮލަރު) ލިބިފައިވާ އިރު، އިންޑިއާގެ ބޭރުގެ މާކެޓްތަކުން ލިބުނު އާމްދަނީއާ އެކީ ފުރަތަމަ ދުވަހު ފިލްމަށް ވަނީ ޖުމްލަ 106 ކްރޯޑް ރުޕީސް (13 މިލިއަން ޑޮލަރު) ލިބިފަ އެވެ.
ފަސް އަހަރެއްހައި ދުވަހުގެ މެދު ކެނޑުމަށްފަހު ޝާހުރުކް ހާން އެނބުރި އައުން ފާހަގަ ކުރާ މި ފިލްމް އަކީ ބޮޑު ކާސްޓެއްވެސް ހިމެނޭ ފިލްމްއެކެވެ. އެގޮތުން ފިލްމް އިން ދީޕިކާ ޕަދުކޯން އާއި ޖޯން އަބަރަހަމް ގެ އިތުރުން ބޮލީވުޑްގެ ސްޕަސްޓާރު ސަލްމާން ހާންގެ ހާއްސަ ފެނިލުމެއްވެސް ފެނިގެންދެއެވެ.
