ބޮލިވުޑްގައި ތަފާތު އެކި ރިއަލިސްޓިކް ރޯލުތައް ކުޅުމަށް މަޝްހޫރު އެކްޓަރު ނަވާޒުއްދީން ސިއްދީގީ، ގެ ކުރިއަށް އޮތް ފިލްްމް "ހައްޑީ"ގައި އޭނާ ފެނިގެންދަނީ އަންހެން ހެދުން އަޅައިގެން އަންހެންގެ ސިފައިގައިއެވެ.
މި ފިލްމް އަކީ މި އަަހަރު ރިލީޒް ކުރުމަށް ތާވަލް ކޮށްފައިވާ ފިލްމް އެކެވެ. ނަމަވެސް އަދިވެސް ތާރީހެއް އިއުލާނެއް ނުކުރެވެ. ނަވާޒުއްދީން ވަނީ މި ފިލްމްގެ އިތުރު ފެނިލުމެއް ބެލުންތެރިންނާއި ހިއްސާ ކޮށްފައިއެވެ.
އޭނާ ވަނީ އިންސްޓްގާރްމް އަށް މި ފިލްްމްގައި އޭނާ ފެނިގެންދާ އަންހެން ސިފައިގެ ފޮޓޯއެއް ދޫކޮށްލައިފައިއެވެ. މި ފޮޓޯގައި އޭނާ ފެނިގެންދަނީ އިންޑީއާގެ މަގުބޫލު ހެދުމެއް ކަމުގައިވާ ސާޅީއެއްގައި އެވެ. ރަތް ކުލައިގެ މިސާޅީ އިން އިންޑިއާގެ ޓްރެޑިޝަން ވަރަށް ބޮޑަށް ދައްކައުވައިދެއެވެ.
View this post on Instagram
"ހައްޑީ" އޭނާ ފެނިގެންދަނީ ވަރަށް ފެޝަން އެހާމެ ގްލެމަރަސްކޮށް އަދި ވަރުގަދަ މޭކަމެއްޕައެއްގައިއެވެ. އަދި އޭނާ ފެނިގެންދާއިރު، އެއީ ހަމަ އޭނާތޯ އެތަށް ބަޔަކު ވަނީ ސުވާލު ކޮށްފައެވެ. އެހާވެސް އޭނާ ފެންނަގޮތް ތަފާތެވެ.
View this post on Instagram
"ހައްޑީ" އަކީ ރިވެންޖް ޑްރާމާއެކެވެ. ޒީ ސްޓޫޑިއޯސް އާއި އަނަންދިތާ ސްޓޫޑިއޯސް ގުޅިގެން ހަދާ މި ފިލްމުގެ ޑައިރެކްޓަރަކީ އަކްޝަތު އަޖޭ ޝަރުމާއެވެ. ކާމިޔާބު އެތައް ފިލްމަކުން ފެނިފައިވާ 48 އަހަރުގެ އެކްޓަރު އެންމެ ފަހުން ފެނިފައި ވަނީ މި އަހަރުގެ އެޕްރީލްގައި ރިލީޒްކުރި "ހީރޯޕަންތީ 2″ އިންނެވެ.
<
