ބޮލީވުޑްގެ ކިންގް ޚާން، ޝާހްރުކް ޚާން މެދުކެނޑުމަކަށް ފަހު ބޮޑު ސްކްރީނަށް އެނބުރި އަންނަ ފިލްމު "ޕަޓާން" މާދަމާ ރިލީޒްކުރާ އިރު، އެ ފިލްމު 100 އަށް ވުރެ ގިނަ ގައުމުތަކުގައި ޕްރީމިއާކުރާ ގޮތަށް ހަމަޖެހިއްޖެ އެވެ.
ޝާހްރުކް އެނބުރި އައުން ފާހަގަ ކުރާ ފިލްްމު "ޕަތާން" އަކީ ބޮޑު ކާސްޓެއް ހިމެނޭ ފިލްމެކެވެ. މިހާރުވެސް އަހަރެއްހާ ދުވަސް ޝޫޓިންގައި ހޭދަކޮށްފައިވާ މި ފިލްމު ރިލީޒް ކުރުމަށް ތާވަލު ކޮށްފައިވަނީ 25 ޖަނަވަރީ 2023 އަށެވެ.
މިއީ މިހާތަނަށް އިންޑިއާގެ ފިލްމެއް މިހާ ގިނަ އަދަދެއްގެ ގައުމުތަކުގައި އެއް ފަހަރާ އަޅުވާ ފުރަތަމަ ފަހަރެވެ. "ޕަޓާން" 100 އަށް ވުރެ ގިނަ ގައުމުތަކުގައި ޕްރީމިއާކުރާ އިރު ބޭރުގެ 2،500 އަށް ވުރެ ގިނަ ސިނަމާތަކުގައި ފިލްމު ދައްކާނެ އެވެ.
އަދިތިޔާ ޗޯޕްޅާގެ ޔާޝްރާޖް ފިލްމްސް (ވައިއާރްއެފް) އިން ޕްރޮޑިއުސްކޮށްފައިވާ މި އެކްޝަން ތުރިލާ އަކީ އެ ސްޓޫޑިއޯގެ 2019 ގެ "ވޯ" ގެ ޑައިރެކްޓަރު ސިދާތު އާނަންދު ހަދާފައިވާ ފިލްމެކެވެ.
ޔަޝް ރާޖް ފިލްމްސް އިން ގެނެސްދޭ މި ފިލްމު 3 ބަހަކުން ނެރުމަށް ވަނީ ހަމަޖެހިފައެވެ. އެއީ ހިންދީ، ޓެލުގޫ އަދި ޓެމިލްއެވެ.
