ކުރިޔަށްދާ އެމްޑީޕީގެ ރިޔާސީ ޕްރައިމަރީއަށް ރާއްޖޭގެ އުތުރުގެ ބައެއް ރަށްތަކަށް ކުރައްވާ ދަތުރުފުޅެއް ރައީސް ސާލިހު ފައްޓަވައިފިއެވެ.
މި ދަތުރުފުޅުގައި ރައީސް ސާލިހު މިހާރުވަނީ ހއ. ހޯރަފުއްޓަށް ވަޑައިގެންފައެވެ. އަދި އެރަށުގައި ތިބި އެމްޑީޕީގެ މެމްބަރުންނާ ބައްދަލު ކުރެއްވުމަށްފަހު ރައީސް ސާލިހު ވަނީ ހއ. އިހަވަންދޫއަށް ވަޑައިގެންފައެވެ.
ރައީސްގެ މި ދަތުރުފުޅުގައި ހއ. އަތޮޅު، ހދ. އަތޮޅު، އަދި ށ. އަތޮޅުގެ ގިނަ ރަށްތަކަކަށް ވަޑައިގަންނަވާ ގޮތަށް ވަނީ ހަމަޖެހިފައެވެ. ރައީސްގެ މި ދަތުރުފުޅުގައި ހދ. ހަނިމާދޫ އިންޓަނޭޝަނަލް އެއާޕޯޓް ތަރައްގީ ކުރުމުގެ މަޝްރޫއުގެ މަސައްކަތް ފައްޓަވާ ދެއްވާ ގޮތަށް ވަނީ ހަމަޖެހިފައެވެ.
މައުލޫމާތު ލިބިފައިވާ ގޮތުގައި މި މަޝްރޫޢު ފެށުމުގެ ރަސްމިއްޔާތު ބޭއްވުމަށް ހަމަޖެހިފައިވަނީ މާދަމާއެވެ. އަދި މި ރަސްމިއްޔާތުގައި އިންޑިއާގެ ފޮރިން ސެކެޓްރީ ޖައިޝަންކަރު ބައިވެރިވެވަޑައިގަތުމަށް ހަމަޖެހިފައިވާކަމަށްވެސް ވަނީ މައުލޫމާތު ލިބިފައެވެ.
ރައީސް ސާލިހުވަނީ ވަނީ ކެމްޕޭން ދަތުރުތަކުގައި ރ، ނ، ޅ އަދި ބ. އަތޮޅަށް ވަޑައިގެންފައެވެ.
ކޮމެންޓު ފޮނުވާ