މާލޭގެ ދުއްވާފައިދިޔަ ވޭނަކުން ފުލުހުން މިއަދު ގިނަ އަދަދެއްގެ ބަނގުރާ ފުޅިތަކެއް އަތުލައިގެންފިއެވެ.
ފުލުހުން ހާމަ ކޮށްފައިވާ ގޮތުގައި، ބަނގުރާ ފުޅިތަކާއި ދަޅުތައް މިވޭނުން އަތުލައިގެންފައިވަނީ، ވޭނާމެދު ޝައްކު ކުރެވިގެން ވޭން މަޑުކޮށް ބަލާ ފާސްކުރުމުގެ ތެރޭގައި ކަމުގައެވެ. އަދި މި މައްސަލައާއި ގުޅިގެން ބިދޭސީ ފިރިހެނަކު ފުލުހުންގެ ބެލުމުގެ ދަށަށް ގެނެވިފައިވާކަމަށްވެސް ފުލުހުން މައުލޫމާތު ދީފައި ވެއެވެ.
ފުލުހުން ވިދާޅުވީ މިމައްސަލަ އިތުރަށް ތަހުގީގު ކުރަމުންދާ ކަމުގައެވެ،
ސޯޝަލް މީޑިއާގައި ހާމަވެފައިވާ ފޮޓޯތަކުން ފެންނަ ގޮތުގައި ބަނގުރާ ފުޅިތައް އަތުލައިގެންފައިވަނީ އެމްއެންޕީގެ ރައީސް އަދި ރައްޔިތުންގެ މަޖިލިހުގެ ދަނގެތީ ދާއިރާގެ މެމްބަރު ކާނަލް ނާޒިމްގެ އާއިލީ ކުންފުންޏެއް ކަމުގައިވާ އާރުސީސީއަށް ނިންބަތްވާ ވޭނެކެވެ.
