ބޮލީވުޑްގެ ތަރިންނާއި އާންމު މީހުންނާއި ތަފާތު އެތަށް ސަބަބެއް ހުރެއެވެ. އެމީހުންގެ ހުންނަ މުއްސަދި ދިރިއުޅުމާއި ލައި އުޅޭ އަންނަނުނާއި ކެއުން ބުއިން ބަހައްޓާ ގޮތާއި ކަސްރަތަށް ބަހައްޓާ ފަރުވާތެރިކަން ފަދަ އެތަށް ކަމެއްގެ ސަބަބުން އާންމު މީހަކާ ތަރިއަކާއި ތަފާތު ވެގެންދެއެވެ.
ނަމަވެސް ބައެއް ތަރިންނަކީ ބުރަ މަސައްކަތުން ސްޓާރުންނަށްވާ ތަރިންނެވެ. ކުޑައިރުގައި ވަރަށް އާދައިގެ ގޮތަކަށް ދިރިއުޅެފައިވާ ކިތަންމެ ތަރިންނެއް ބޮލީވުޑްގައި މިހާރު އެންމެ އުހުގައި ފިޔަޖަހަމުން އެބަދެއެވެ. އެގޮތުން ފޮޓޯއިން ފެނިގެން އެދަނީވެސް އެފަދަ ތަރިއެކެވެ.
ފުއްގަނޑެއްގެފަދަ ލޯބި ޗަބީ އެ ތުއްތު ކުއްޖަކީ ކާކުކަން އެނގޭހެއްޔެވެ.؟ އެއީ މިއަދު ބޮލީވުޑްގެ އެންމެ ޑިމާންޑް ބޮޑު އެއް ބަތަލާ ދީޕިކާ ޕަދުކޯންއެވެ. ދީޕިކާ ކުޑައިރުގެ މި ފޮޓޯ ގައި އޭނާ ހުރިލެއް ނިކަން ލޯތްބެވެ.
View this post on Instagram
ދީޕިކާ އަކީ ބޮލީވުޑްއަށް ނިސްބަތް ނުވާ އާއިލާއަކުން ބޮލީވުޑްއަށް ނިކުތް ކާމިޔާބު މަދު ތަރިންގެ ތެރެއިން އެންމެ އުހުގައި މިއަދު ފިޔަޖަހަމުން އަންނަ އެއް ބަތަލާއެވެ. އޭނާގެ އެކްޓިންގްގެ ހުނަރުގެ ސަބަބުން އޭނާ ގެ ޑިމާންޑް ވަނީ ވަރަށް މަތިވެފައިއެވެ. އެއީ އެކުގައި އޭނާ އަކީ އިންޓަނޭޝަނަލް ބްރޭންޑްތަށްވެސް ތަމްސީލް ކޮށްދޭ އެމްބެސެޑަރުކަންވެސް ކުރަމުން އަންނަ ތަރިއެކެވެ.
މިހާރު އުމުރުން 37 އަހަރުގެ ބަތަލާ ބޮލީވުޑްއަށް ތައާރަފްވީ ސާހުރުކް ހާން އާއި އެކުގައި ފިލްމް "އޯމް ޝާންތި އޯމް" އިން 2007 ވަނަ އަހަރުގައިއެވެ. އޭގެ ކުރިން އޭނާ ވަނި ބައެއް އިޝްތިހާރު ތަކުގެ އިތުރުން ބޮލީވުޑްގެ ބައެއް ލަވަ ތަކުގެ ބެކްގްރައުންޑް ޑާންސާއެއްގެ ގޮތުގައިވެސް މަސައްކަތް ކޮށްފައިއެވެ.
އަލަތު ފިލްމްވެސް ބޮކްސް އޮފީހުގައި ހިޓަކަށްވެ ދީޕިކާ ގެ ނަން ބޮލީވުޑްގައި ގުގުމާއި ލުމާއި އެކުގައި ގިނަ ޑައިރެކްޓަރުންނާއި އެކުގައި މަސައްކަތް ކުރުމުގެ ފުރުސަތު އޭނާ އަށް ފަހިވެގެންދިއެވެ.
އޭނާގެ ކާމިޔާބު ފިލްމް ތަކުގެ ތެރޭގައި " ޗެއްނާއި އެކްސްޕްރެސް" "ޕީކޫ" "ހެޕީ ނިއުއިޔާ" ބާޖިރާއޯ މަސްތާނީ" އަދި "ޕަދްމަވަތް" ފަދަ މަޝްހޫރު ފިލްމް ތަށް ފާހަގަ ކޮށްލެވެއެވެ.
ލޯބީގެ ހަޔާތަށް ބަލާއިރުގައި ދީޕިކާ ގެ ވާހަކަ އެންމެ ބޯޑަށް ދެކެވުީ ރަންބީރު ކަޕޫރާއި ގުޅުވައިގެންނެވެ. އެދެމީހުން ރައްޓެހިވީ އެކުގައި ދެމީހުން ކުޅުނު ފިލްމް "ބަޗްނާ އޭ ހަސީނޯ"ގެ ސެޓުންނެވެ. އެދެމީހުންވެސް ތިބީ އެކަކު އަނެއްކެއްގެ ލޯބީގައި ދިވާނާ ވެފައިއެވެ. އެދެމީހުންވެސް މީޑިއާގެ ކުރިަމތީގައި ވަނީ އެލޯބި ހާމަވެސް ކޮށްފައިއެވެ.
ނަމަވެސް ކައިވެންޏާއި ހަމައަށް ނުގޮސް ވަނީ އެގުޅުން ނިމިފައިއެވެ. އެއާއި އެކުގައި އޭނާގެ ހަޔާތަށް އައީ އަންވީރު ސިންގްއެވެ. އެދެ ތަރިން ވަނީ 2018 ވަނަ އަހަރުގައި ކައިވެނި ކޮށްފައިއެވެ. އަދި ދެމީހުންވެސް އުޅެމުން އަންނަނީ ވަރަށް އުފާވެރި ދިރިއުޅުމެކެވެ.
މަސައްކަތަށް ބަލާއިރުގައި ދީޕިކާ އެންމެ އަވަހަށް ފެނިގެންދާނީ ޝާހުރުކް ހާން އާއި އެކުގައި ފިލްމް "ޕަޓާން" އިންނެވެ. އެ ފިލްމް ރިލިޒް ކުރުމަށް ތާވަލް ކޮށްފައިވަނީ މި މަހުގެ 25 އަށެވެ. ދީޕިކާ އާއި އެކުގައި ލީޑުން ފެނިގެންދާނީ ޝާހުރުކް ހާންއެވެ. އަދި ވިލަންއެއްގެ ގޮތުގައި ފިލްމް އިން ޖޯން އަބްރަހަމް ވެސް ފެނިގެންދާނެއެވެ.
