މަޝްހޫރު ސްކްރީން ރައިޓަރު އަހުމަދު ޒަރީޒުގެ ފުރަތަމަ ޑައިރެކްޝަން "ބީވީމާ" ގެ ޕްރީމިއާ ޝޯ މިހާރު ފުލްވެފައިވާ ކަމަށް އެ ފިލްމު ގެނެސްދޭ ޑާކް ރެއިން އެންޓަޓައިންމަންޓުން ބުނެފި އެވެ.

އަންނަ މަހުގެ 6 ވަނަރޭ ޕްރިމިއާ ކުރާ މި ފިލްމްގެ، އެރޭގެ ޓިކެޓްތަށް ވިކި ހުސްވެފައި ވާކަމަށް ޑާކް ރެއިން އިން އެމީހުންގެ ފޭސްބުކް ގައި ވަނީ އިއުލާން ކޮށްފައިއެވެ.

ކޮވިޑްގެ ހާލާތު ރާއްޖޭގައި ގޯސްވާން ފެށުމުން އެ އަހަރުގެ މާޗް މަހުގެ ކުރީކޮޅު އޮލިމްޕަސް ބަންދުކުރީ އެތަނުގަައި އަލީ ސީޒަންގެ "އަނދިރިކަން" އަޅުވާފައި އޮއްވަ އެވެ. އޭގެ ފަހުން މިހާތަނަށް އައި އިރު، އެ ސިނަމާގައި އެއްވެސް ފިލްމެއް އަޅުވައިފައެއް ނުވެ އެވެ.

އެފަހުން ސިނަމާ މިހާތަނަށް ބަންދު ކޮށް މަރާމާތަށް ކަމަށްބުނެ ހުޅުވާފައިއެއް ނުވެއެވެ. "ބީވީމާ" އަކީ އޮލިމްޕަސް މަރާމާތު ކުރުމަށްފަހު އޮލިމްޕަހުގައި އަޅުވާނެ ފުރަތަމަ ފިލްމްއެވެ.

"ބީވީމާ" އަކީ މުހައްމަދު އަލީ (މޮގާ) އާއި އޭނާގެ އަންހެނުން އައިޝަތު ފުއާދު ތައުފީގް ޕްރޮޑިއުސްކުރާ ފިލްމެކެވެ. މި ފިލްްމް އަކީ ފިލްމު "ލީނާ" އާއި "އަނދިރިކަން" އަދި "ވީބޭވަފާ" ފަދަ ފިލްމުތަކުގެ ސްކްރީން ޕްލޭ ލިޔެދީފައިވާ މަޝްހޫރު ސްކްރީން ރައިޓަރު އަހުމަދު ޒަރީޒު ފުރަތަމަ ޑައިރެކްޝަންވެސް މެއެވެ.

ފިލްމުގެ ކާސްޓްގައި އަޝްފާގެ އިތުރުން އިސްމާއީލް ރަޝީދު (ކޮޕީ އިއްސެ) އާއި އަރަމުން އަންނަ ޒުވާން ބަތަލާ އައިމިނަތު ރަޝްފާ (އާޝާ) އަދިް އާދަމް ޒިދާން (ނާނަ) ހިމެނެ އެވެ.