ބޮލީވުޑްގެ މަޝްހޫރު އެކްޓަރު ޝާހިދު ކަޕޫރުގެ އަލަތު ވެބް ސީރީޒް "ފަރްޒީ" ގެ ޓީޒާއެއް ދައްކާލައިފި އެވެ.
މިދިއަ އަހަރުގައި ޝޫޓިން ނިންމާލި މި ވެބް ސީރީޒް ގެނެސްދޭން ހަމަޖެހިފައިވަނީ އެމެޒޯން ޕްރައިމް ވީޑިއޯ އިންނެވެ. ހުރިހާ މަސައްކަތެއް ނިންމާ އޮން އެއާ މަރުހަލާގައި އޮތް މި ވެބް ސީރީޒް އަކީ ތުރިލާ އެކެވެ. މީގައި ކިޔައިދޭނީ އާދައިގެ ކުރެހުންތެރިޔަކު ކުށުގެ ވެއްޓަށް ހުށަހެޅި އެކަމުގެ ތެރޭގައި އޭނާއަށް ކުރިމަތިލާން ޖެހޭ ކަންކަމެވެ.
View this post on Instagram
"ފަރްޒީ" އަކީ އެމެޒޯން ޕްރައިމަށް އެކްޓަރު މަނޯޖް ބަޖްޕާއީއާ އެކީ "ދަ ފެމިލީ މޭން" ގެ ދެ ސީޒަން ގެނެސްދިނުމަށް ފަހު، އެއަށް މިހާރު ވަރުން ދަވަނާ އެކީ "ސިޓަޑެލް އިންޑިއާ" ހަދަން ތައްޔާރީތައް ވަމުން އަންނަ ދެ ޑައިރެކްޓަރުން ކަމަށްވާ ރާޖް އެންޑް ޑީކޭ ޑައިރެކްޓްކޮށްފައިވާ އެއްޗެކެވެ.
"ފަރުޒީ" ގެ ކާސްޓްގައި ރާޝީ ކަންނާ އާއި ވިޖޭ ސެތުޕަތީގެ އިތުރުން ކޭކޭ މެނަން، ޒާކިރު ހުސައިން އަދި ކުބްރާ ސައިތު ހިމެނެއެވެ. މި ވެބް ސީރީޒް ސްޓްރީމްކުރަން ފަށާ ދުވަހެއް އަދި އިއުލާނެއް ނުކުރެއެވެ.
