މިމަހުގެ 25 ގައި ރިލީޒް ކުރުމަށް ތާވަލް ކޮށްފައިވާ ބޮލީވުޑްގެ ސްޕަސްޓާރު ޝާޙުރުކް ހާންގެ ފިލްމް "ޕަޓާން" ގެ ޓްރެއިލާ މިމަހުގެ 10 ވަނަ ދުވަހުގައި ބެލުންތެރިންނަށް ގެނެސްދޭނެކަމަށް ރިޕޯޓް ތަށްބުނެފިއެވެ.
މީގެ ދެމަސްކުރިން ޓީޒާ ވެސް އާންމުކޮށްފައިވާ މި ފިލްމްގެ ދެ ލަވައެއް ވެސް މިހާތަނަށް ވަނީ ބެލުން ތެރިންނަށް ދޫކޮށްލައިފައިއެވެ. އެއީ ބޮޑު މައްސަަލަ ކަމަކަށްވި ލަވަ "ބޭޝަރަމް ރަންގް" އާއި "ޖޫމް ޖޯ ޕަޓާން" އެވެ. ލަވަ ބޮޑު މައްސަލަ އަކަށްވީ ދީޕިކާ ގެ ނިވާކަން ކުޑަ ހެދުން ތަކުގެ އިތުރުން ލަވައިގައި ބޭނުން ކޮށްފައިވާ ޑާންސް ސްޓެޕްތަކަކީ ބަލާން ނުވާވަރުގެ އެއްޗަކަށް ވީމައިއެވެ. އަދި ލަވައިގައި ދީޕިކާ ލީ ސެފްރޯން ކުލައިގެ ހެދުން ބޮޑު މައްސަލް އަކަށްވީ އެއި އެންމެ ތާހިރު ކުލަ ކަމަށް ބުނެ ބުނު ފައްޅި ތަކުގެ ފާދިރީން ބޭނުން ކުރާ ކުލައަކީ އެ ކުލައަށް ވުމެވެ. މި ދެލަވައިގައިވެސް ދީޕިކާ ބޭނުން ކޯށްފައިވަނީ ވަރަށް ނިވާކަން ކުޑް ހެދުން ތަކެވެ.
އަދިތިޔާ ޗޯޕްޅާގެ ޔާޝްރާޖް ފިލްމްސް (ވައިއާރްއެފް) އިން ޕްރޮޑިއުސްކޮށްފައިވާ މި އެކްޝަން ތުރިލާ އަކީ އެ ސްޓޫޑިއޯގެ 2019 ގެ "ވޯ" ގެ ޑައިރެކްޓަރު ސިދާތު އާނަންދު ހަދާފައިވާ ފިލްމެކެވެ.
"ޕަތާން" އަކީ ބޮޑު ކާސްޓެއް ހިމެނޭ ފިލްމެކެވެ. ދީޕިކާ ޕަޑުކޯން، ޖޯން އަބްރަހަމް އަދި ޝާބާނާ އާޒްމީ ފަދަ މަޝްހޫރު ތަރިން ހިމެނެއެވެ. މި ފިލްމް މި ފިލްމު 3 ބަހަކުން ނެރުމަށް ވަނީ ހަމަޖެހިފައެވެ. އެއީ ހިންދީ، ޓެލުގޫ އަދި ޓެމިލްއެވެ.
