ކަލާފާނު ސްކޫލުގެ ފޭސްބުކް އެކައުންޓު ބަޔަކު ހެކްކޮށްފިއެވެ.
އެޑިއުކޭޝަން މިނިސްޓްރީން މިއަދު ބުނީ، އެ ސްކޫލުގެ ފޭސްބުކް އެކައުންޓް ހެކްކޮށް، އޭގެ ކޮންޓްރޯލް ގޮތް ނޭނގޭ ފަރާތަކުން ނަގާފައިވާ ކަމުގެ މައުލޫމާތު އެ މިނިސްޓްރީ އަށް ލިބިފައިވާ ކަމަށެވެ. އެހެންވެ، އެ މައްސަލަ މިހާރު ފުލުސް އޮފީހަށް ރިޕޯޓްކޮށް، އެކަން ހައްލު ކުރުމުގެ މަސައްކަތް ކުރަމުން އަންނަ ކަމަށް މިނިސްޓްރީން ބުންޏެވެ.
އެޑިއުކޭޝަން މިނިސްޓްރީން ވަނީ ކަލާފާނު ސްކޫލުގެ ނަމުގައި ހިންގާ އެ އެކައުންޓް މެދުވެރިކޮށް މިހާރު ލިޔާ ޕޯސްޓްތަކާއި ކުރާ ކޮމެންޓްތަކަކީ އެ ސްކޫލުން ކުރާ ކަމެއް ނޫން ކަމަށް ބުނެ، އެކަން ސަމާލުކަމަށް ގެނެސްފައެވެ.
މިހާތަނަށް އެ ސްކޫލުގެ ޕޭޖުގައި ސްކޫލާ ނުގުޅޭ ޕޯސްޓެއް އާންމުކޮށްފައެއް ނެތެވެ.
