އެމްޑީޕީގެ ފުރަތަމަ ވެރިކަމުގައި އޭރުގެ ރައީސްކަމާއި ހަވާލުވެ ވަޑައިގެންނެވި މިހާރުގެ އެމްޑީޕީގެ ރައީސް މުހައްމަދު ނަޝީދު ވެރިކަމާއި ހަވާލުވެ ވަޑައިގެންނެވީ ގިނަ ކަންތައްތަކަށް އިންސާފު ހޯދައިދޭނެކަމުގެ ވައުދާއި އެކުގައި ކަމަށާއި، ނަމަވެސް އެއިންކަމަށް އިންސާފު ނުލިބި އެއްވެސް ރިއެކްޓެއް ނުކޮށް ނަޝީދު ދިނީ އިސްތިއުފާކަމަށް ރައްޔިތުންގެ މަޖިލީހުގެ ކެލާ ދާއިރާގެ މެމްބަރު އިބްރާހިމް ޝަރީފް ވިދާޅުވެއްޖެއެވެ.
އެމްޑީޕީގެ ރިޔާސީ ޕްރައިމަރީގައި ރައީސް ނަޝީދު ރައީސް ޞާލިހަށް އަމާޒުކޮށް ދެއްކެވި "ރިއެކްޓް" ނުކުރާ ވާހަަކާއި ގުޅިގެން އެމްޑީޕީގެ ރައީސް ޞާލިހަށް ތާއީދު ކުރާ ގިނަ މެމްބަރުން ދަނީ ރައީސް ނަޝީދަށް ރައްދު ދެއްވަމުންނެވެ. ކެލާދާއިރާގެ މެމްބަރު އިބްރާހިމް ޝަރީފް ވިދާޅުވީ ރައީސް ނަޝީދުވެސް ވެރިކަމަށް ވަޑައިގެންނެވީ އޭރުގައި ހިނގާފައިވާ މަރުތަކަށް އިންސާފު ހޯދައި ދޭނެކަމުގެ ވައުދާއި އެކުގައިކަމަށެވެ.
ނަޝީދުގެ ވެރިކަމުގައި އިންސާފު ހޯދައި ދޭނެކަމަށް ވައުދުވި މަރުތަކުގެ ތެރޭގައި، އީވާން ނަސީމާއި، ސޮލާހާއި، އެނޫންވެސް ޖަލުގައި މަރުވި މީހުންގެ މަރުތަކާއި، އޭރު ނާއިންސާފުން ހިނގައިދިޔަ ކަންކަމަށް އިންސާފު ހޯދައިދޭނެކަމަށް ވައުދުވިކަމަށެވެ. ނަމަވެސް މިއިން އެއްވެސް ކަމަކަށް އިންސާފު ނުހޯދި ވަނިކޮށް ނަޝީދު ވަނީ އަމިއްލަފުޅަށް ވެރިކަމުން އިސްތިއުފާ ދެއްވާފައިކަމަށް ޝަރީފް ވިދާޅުވިއެވެ.
ނަޝީދު ވެރިކަމަށް އައީ އިވާން ނަސީމާއި އަދި ސޮލާހުގެ މަރުތަަކާއި އަދި ޖަލުގަ ހިންގި ލާއިންސާނީ ޖަރީމާތަކަށް އިންސާފު ހޯދައިދޭނެ ކަމަށް ވައުދުވެގެން. މީގެ އެއްވެސް މަރަކަށް އަދި އެއްވެސް ފަރާތަކަށް އިންސާފުނުލިބި އެއްވެސް ރިއެކްޓެއް ނުކޮށް ނަޝީދު ދިނީ އިސްތިއުފާ.
– މެމްބަރު އިބްރާހިމް ޝަރީފް ވިދާޅުވިއެވެ.
އަންނަ ޖެނުއަރީ މަހުގެ 28 ގައި ބާއްވާ އެމްޑީޕީގެ ރިޔާސީ ޕްރައިމަރީގައި ރައީސް އިބްރާހިމް މުހައްމަދު ސޯލިހުގެ ކެމްޕެއިން ޓީމުން ބޭއްވި ޖަލްސާގައި ޑިފެންސް މިނިސްޓަރ މާރިޔާ ދީދީވެސް ވިދާޅުވެފައިވަނީ، އެ ޕާޓީގެ ރައީސްގެ މަގާމާއި ރައްޔިތުންގެ މަޖިލީހުގެ ރައީސްގެ މަގާމުގައި ހުންނަވައިގެން ނަޝީދު މި ސަރުކާރާ ދެކޮޅަށް މަސައްކަތްޕުޅު ކުރައްވާތީ މީހުން ސުވާލުކުރާ ކަމަށެވެ.
ރައީސް އިބްރާހިމް މުހައްމަދު ސޯލިހަކީ ރިއެކްޓް ކުރައްވާ ބޭފުޅެއް ނޫން ކަމަށް ނަޝީދު ވިދާޅުވެފައިވާތީ އޭގެ ރައްދުގައި މާރިޔާ ވިދާޅުވީ، ރިއެކްޓް ކުރުމަކީ އެމްޑީޕީގެ ވިސްނުމެއް ނޫން ކަމަށެވެ. އެއީ "ޕްރޯ އެކްޓް" ކުރާ ޕާޓީއެއް ކަމަށް މާރިޔާ ވިދާޅުވިއެވެ.
2 Responses
މަރުތަކަށް އިންސާފު ހޯދާ ވާހަކަޔާ މަހުގެ ހަމައަގު ހޯދާ ވާހަކަ ދެން ނިންމާފަ އެހެން ވާހަކައެއް މިހާރު ފަށަން ވެއްޖެ. އިންސާފާއި ހަމައަގު މިހާރު ގުއިވެއްޖެ. ހަމައަގު އެނގުނު މީހަކުވެސް ނެތް…
ނަޟީދުރައްޔިތުންގުނބޯހައްދާގޮތްމިހާރުއަހަރެމެއްނަށްއެނގިއްޖެ މެދުމިނުރަށެއްގެރައްޔިތުންބަލަހައްޓާހައިޚަރަދުމިހާރުވެސްނަޟީދަށް ސަރުކާރުންޚަރަދުކުރއެވެ އުޅޭނެގެއަކާއިބޮޑިގާޑުންނާއިއަދިދެތިންލައްކަރުފިޔާމިހާރުވެސްޚަރަދުކުރެއެވެމިއީދެންކިހާބޮޑުކަމރއް