ކުރިން އެކުގައ ގިނަ ފިލްމް ތަކެއް ކުޅެ، ބެލުންތެރިންގެ ބޮޑު މަގުބޫލު ކަމެއް ހޯދި އޮންސްކްރީން ކަޕުލް ކަމުގައިވާ ދަރުމެންދްރާ އާއި ޑިމްޕަލް ކަޕާޑިއާ ގާތްގަނޑަކަށް 31 އަހަރު ފަހުން އަނެއްކާވެސް އެކުގައި ސްކްރީނުން ފެންނަން ތައްޔާރު ވެއްޖެއެވެ.
މުނިފޫހިފިލުވުމުގެ ޚަބަރުތަށް ބުނާގޮތުގައި މި ދެމީހުން ސޮއިކޮށްފައިވަނީ "މިމީ" އާއި "ލުކާ ޗުއްޕީ" ފަދަ ފިލްމުތައް ގެނެސްދިން ލަކްޝްމަން އުޓޭރަކް ޑައިރެކްޓްކުރާ ފިލްމަކަށެވެ. މި ފިލްމްގެ ޝޫޓިންތައް މިމަހުގެ 15 އިން ފެށިގެން އަންނަނީ ކުރަމުންނެވެ.
View this post on Instagram
އަދި ނަން އިއުލާން ނުކުރާ މި ފިލްމްގެ ލީޑުން ފެނިގެންދާނީ ޝާހިދު ކަޕޫރާއި ކްރިތީ ސެނޮންއެވެ. ޕްރޮޑިއުސަރު ދިނޭޝް ވިޖަންގެ މެޑޮކް ފިލްމްސް އިން އުފައްދާ މި ފިލްމުގެ ޝޫޓިން ރާޖިސްތާނުގައި ކުރިއަށް ދާއިރު، އޭގެ ދެވަނަ ޝެޑިއުލް ނިއުދިއްލީ ނުވަތަ ޗަންދީގަޅްގައި ފަށާނީ ދަރޭ އާއި ޑިމްޕަލްގެ ބައިތަކާއެކު ކަމަށް ފިލްމީ ޚަބަރުތައް ގެނެސްދޭ ނޫސްތަކުން ބުނެއެވެ.
ޑިމްޕަލް، 65، ކުރިން ލޯބީގެ ގުޅުމެއް ބޭއްވި އެކްޓަރު ސަނީ ޑިއޯލްގެ ބައްޕަ ދަރޭއާ އެކީ އެންމެ ފަހުން މަސައްކަތްކުރީ 1991 "ދުޝްމަން ދޭވްތާ" ގަ އެވެ. ދެތަރިން އެކުގައި ވަނީ 1988 ވަނަ އަހަރު ދެއްކި "ސާޒިޝް" އަދި 1989 އަހަރު ދެއްކި "ބަޓުވާރާ" ފަދަ ފިލްމުތަކުން ފެނިގެން ގޮސްފައިއެވެ.
