ފިލްމީ އިންޑަސްޓްރީގައި ހަރަކާތްތެރިވާ ފަންނާނުން އާންމުކޮށް ކައިވެނި ކުރާ އުމުރަށް ވުރެ އަވަހަށް ކައިވެނި ކުރަން މަޖުބޫރުވީ ވިރާޓް ކޯލީދެކެ ވާ ލޯބި ބޮޑުކަމުން ކަމަށް ބަތަލާ އަނުޝްކާ ޝަރުމާ ބުނެފިއެވެ.
އަނޫޝްކާ ބުނީ އާންމުކޮށް ފިލްމީ އިންޑަސްޓްރީގެ މީހުން ކައިވެނި ކުރަނީ 30 އަހަރުން މައްޗަށް އެޅީމައި ކަމަށެވެ. ނަމަވެސް އޭނާ ކައިވެނި ކުރިއިރުގައި ވީ 29 އަހަރު ކަމަށެވެ.
"އަހަރެން ކައިވެނި ކުރި އިރު އުމުރުން 29. އަސްލުގައި އެކްޓަރެސް އަކާ އަޅާބަލާއިރުގައި އެއީ ހަގު އުމުރެއް ކައިވެނި ކުރަން. އާންމުންކޮށް ތަރިންގެ ކައިވެނި ފެނިގެންދަނީ 30 އަހަރުން މައްޗަށް އެޅީމަ. އެކަމަކު އަހަރެން ވިރާޓް ދެކެ އިންތިހާ އަށް ވީ ލޯބި ކައިވެނި އަވަސް ވުމަކީ. ވިރާޓްދެކެ އިންތިހާއަށް އޭރުގައި އަހަރެއް ލޯބިވި. އަދި މިހާރުވެސް ދީވާނާ ވާވަރަށް ލޯބިވޭ."
– އަނުޝްކާ
އަނުޝްކާ އާއި ވިރާޓް ކައިވެނި ކުރީ ވަރަށް ސިއްރުން، ގައުމުން ބޭރުގައިއެވެ. އެމީޙުން ކައިވެނި ކުރީ އިޓަލީގައިއެވެ. 2017 ވަނަ އަހަރުގެ އެ ކައިވެނި ކުރެވިގެންދިއައީ ވަރަށް ކުޑަ ހަފްލާއެއްގައި ހަމަ އެކަނި ގާތް ރަހުމަތްތެރިނާއި އާއިލާގެ މަދު ބައެއް ބައިވެރި ވެގެންނެވެ.
View this post on Instagram
2021 ވަނަ އަހަރުގައި އެދެމަފިރިންނަށް ވަނީ އަލަތު ދަރިފުޅު ލިބިފައިއެވެ. އެމީހުންނަށް ލިބުނީ އަންހެން ކުއްޖެކެވެ. އެކުއްޖާގެ ނަމަކީ ވަމިކާއެވެ. ވިރާޓް އާއި އަނުޝްކާ އަކީވެސް ޒާތީ ދިރިއުޅުމް މީޑިއާގައި ދައްކަން ބޭނުން ނުވާ ދެމީހުންނެވެ.
