ޒަމާނުއްސުރެ ރައްޔިތުންނަށް ބޭނުންވެފައި ހުރި، ހުރިހާ އަސާސީ އިޖްތިމާޢީ ހައްޤުތަކެއް ހޯދައިދީ ފުރިހަމަ ހެޔޮވެރިކަމެއް ރައީސް އިބްރާހީމް މުޙައްމަދު ޞާލިހް ކޮށްދެއްވައިފިކަމަށް ފިނޭންސް މިނިސްޓަރ އިބްރާހީމް އަމީރު ވިދާޅުވެއްޖެއެވެ.
އަންނަ ޖެނުއަރީ މަހު ބާއްވާ އެމްޑީޕީގެ ރިޔާސީ ޕްރައިމަރީއަށް ރައީސް އިބްރާހީމް މުޙައްމަދު ޞާލިޙް މިއަދު ފޯމް ހުށައެޅުއްވުމާއި ގުޅިގެން ފިނޭންސް މިނިސްޓަރ އަމީރު ވިދާޅުވީ، ދިމާވި ހުރިހާ ކާރިސާތަކާއެކުވެސް، ރާއްޖޭގެ އިޤްތިސާދު ކޮޅަށްޖަހައި، ޒަމާނުއްސުރެ ރައްޔިތުންނަށް ބޭނުންވެފައި ހުރި، ހުރިހާ އަސާސީ އިޖްތިމާޢީ ހައްޤުތަކެއް ހޯދައިދީ ފުރިހަމަ ހެޔޮވެރިކަމެއް ރައީސް އިބްރާހީމް މުޙައްމަދު ޞާލިޙް މިދައުރު ތެރޭ ކޮށްދެއްވައިފިކަމަށެވެ.
އަމީރު ވިދާޅުވީ، ކުރިއަށް އޮތް ރިޔާސީ އިންތިޙާބުގައި އެމްޑީޕީގެ ވެރިކަން ދަމަހައްޓަން ކެންޑިޑޭޓެއް ހޮވުމަށް ބާއްވާ ޕާޓީގެ ޕްރައިމަރީގައި ރައީސް ޞާލިޙަށް ތަޢީދުކުރައްވާނެކަމަށެވެ.
ދިމާވި ހުރިހާ ކާރިސާތަކާއެކުވެސް، ރާއްޖޭގެ އިޤްތިސާދު ކޮޅަށްޖަހައި، ޒަމާނުއްސުރެ ރައްޔިތުންނަށް ބޭނުންވެފައި ހުރި، ހުރިހާ އަސާސީ އިޖްތިމާޢީ ހައްޤުތަކެއް ހޯދައިދީ ފުރިހަމަ ހެޔޮވެރިކަމެއް ރައީސް @ibusolih މިދައުރު ތެރޭ ކޮށްދެއްވައިފި. pic.twitter.com/ccnq6Q9Pyy
— Ibrahim Ameer (@iameeru) December 24, 2022
އެމްޑީޕީގެ ޕްރައިމަރީގެ ވާދަވެރިކަން ބޮޑުވެފައިވަނީ އެމްޑީޕީގެ ރައީސް މުޙައްމަދު ނަޝީދުވެސް ޕްރައިމަރީގައި ވާދަކުރައްވާތީއެވެ. މިސަރުކާރުގެ ވަޒީރުންވެސް ގެންދަވަނީ ރައީސް އިބްރާހީމް މުޙައްމާޑޫ ޞާލިހަށް ދެވަނަ ދައުރެއް ހޯދައިދިނުމަށް މަސައްކަތްކުރައްވަމުންނެވެ.
އެމްޑީޕީގެ ޕްރައިމަރީ އޮންނާނީ އަންނަ ޖެނުއަރީ 28ގައެވެ. އަދި ރިޔާސީ އިންތިޚާބު އޮންނާނީ ސެޕްޓެމްބަރު މަހުގެ ތެރޭގައެވެ.
