މިރޭ ކުޅެން ހަމަ ޖެހިފައިވާ ވޯލްޑްކަޕް ގެ ފައިނަލް މެޗުގެ ރަސްމިއްޔާތުގައި ބައިވެރިވާން ބޮލީވުޑްގެ ބަތަލާ ދީޕިކާ ޕަދްކޯން އިއްޔެ ގަތަރަށް ގޮސްފި އެވެ. އޭނާ ވަނި އެއާޕޯޓް އިން ފެނިގެން ގޮސްފައިއެވެ.
އޭނާ އެއާޕޯޓް އަށް ދިއައީ ރަންވީރު ސިންގް އާއި އެކުގައިއެވެ. މިރޭ ގަތަރުގައި ކުޅޭ ވޯލްޑަ ކަޕްގެ ރަސްމިއއްޔާތުގައި މިއަހަރުގެ ވޯލްޑްކަޕްގެ ތަށި ދައްކާލާނީ ދީޕިކާއެވެ. އޭނާގެ އިތުރުން ވޯލްޑްކަޕްގެ އޮފިޝަލް ލަވައިގައި ބައިވެިރވެފައިވާ ނޯރާ ފަތޭހީ ވެސް މިހާރު ހުރީ ހަތަރުގައިއެވެ.
View this post on Instagram
ގަތަރުގައި ކުރިއަށް ގެންދާ ވޯލްޑް ކަޕްގެ ފައިނަލް މެޗު މިރޭ ރާއްޖެ ގަނޑިން 8:00 ގައި ފެށުމަށް ވަނީ ހަމަޖެހިފައިއެވެ. ވޯލްޑް ކަޕްގެ ނިންމާ ރަސްމިއްޔާތުގައި ދުނިޔޭގެ އެކި ކަންކޮޅު ތަކުން ގިނަ އަދަދެއްގެ ސެލެބްރިޓީން ބައިވެރި ވުމަށް ވަނީ ހަމަޖެހިފައިއެވެ.
ދީޕިކާ ގަތަރަށް ރޭ ފުރައިގެން ދިޔަ އިރު އަންނަ މަހު ރިލިޒްކުރަން ހަމަޖެހިފައިވާ އޭނަ އާއި ޝާހްރުކް ޚާންގެ ފިލްމު "ޕަތާން" ގެ ޕްރޮމޯޝަނަލް އިވެންޓަ ތަކެއް ކުރިއަށް ގެންދިއުމަށް ވެސް ވަނީ ހަމަޖެހިފައިއެވެ. ނިންމުމުގެ ރަސްމިއްޔާތުގައި ޝާހުރުކް ހާން ވެސް ބައިވެރި ވާނެއެވެ.
އަންނަ މަހުގެ 25 ގައި ރިލީޒްކުރާ ފިލްމުން އާންމުކުރި ލަވަ "ބޭޝަރަމް ރަންގް" ގައި ދީޕިކާ ބޭނުންކޮށްފައިވާ ހެދުންތަކުގެ ނިވާކަން ކުޑަވުމާއި އެ ލަވައިގެ ނެށުންތަކުގެ ސަބަބުން ފިލްމް ބޮއިކޮޓް ކުރުމަށް އަންނަނީ ގޮވާލަމުންނެވެ.
