ބޮލީވުޑްގެ ދެ އެކްޝަން ތަރިން ކަމަށްވާ އަކްޝޭ ކުމާރާއި ޓައިގާ ޝްރޮޕްގެ ކުރިއަށް އޮތް ފިލްމް "ބަޅޭ މިޔާ ޗޯޓޭ މިޔާ" ގެ ރޯލަކަށް މަޝްހޫރު މަލަޔާޅަމް އެކްޓަރު ޕްރިތުވިރާޖް ސުކްމަރަން ހަމަޖައްސައިފި އެވެ.
މި ފިލްމްގައި ޕްރިތުވިރާޖް ފެނިގެންދާނީ ވިލަން އެއްގެ ގޮތުގައެވެ. ފިލްްމުގައި އޭނާ ފެނިގެންދާނީ ކަބީރް ކިޔާ ވިލަންގެ ކެރެކްޓާއިންނެވެ. އޭނާ ފިލްމުގައި ފެނިގެންދާ ގޮތުގެ ފަސްޓް ލުކް ވެސް މިހާރު ވަނީ ދައްކާލައިފައެވެ.
View this post on Instagram
ވަރުގަދަ ނެގެޓިވް ރޯލެއްގައި ޕްރިތްވިރާޖް މި ފިލްމްގައި މަސައްކަތް ކުރާއިރުގައި މިހާތަނަށް އެތައް ފިލްމެއް ކުޅެފައިވާ 40 އަހަރުގެ އެކްޓަރު ކުރިން ވެސް ބޮލީވުޑްގެ ފިލްމުތަކެއްގައި މަސައްކަތްކުރި އެެވެ. ޕްރިތުވީރާޖް އާންމުކޮށް ކުޅެނީ މަލަޔާޅަމް ފިލްމުތަ ކަމަށް ވިޔަސް އޭނަ ތެލެގޫ އާއި ތަމަޅަ ފިލްމުތަކުގައި ވެސް މަސައްކަތްކުރެ އެވެ.
އެއީ ބަތަލާ ރާނީ މުކަރްޖީއާ އެކީ ކުޅުނު 2012 ގެ "އައްޔާ" އާއި އަރުޖުން ކަޕޫރްގެ 2013 ގެ "އޯރެންގަޒަބް" ގެ އިތުރުން އަކްޝޭ ރޯލެއް ކުޅުނު 2017 ގެ "ނާމް ޝަބާނާ" އެވެ.
އަލީ އައްބާސް ޒަފަރު ލިޔެ، ޑައިރެކްޓްކުރާ ފިލްމަކީ ބޮޑު ބަޖެޓަކުން ވަރަށް ގްރޭންޑްކޮށް ހަދަން ނިންމާފައިވާ އެއްޗެކެވެ. މި ފިލްމްއަކީ ޕްރޮޑިއުސަރު ވާޝޫ ބަގްނާނީ އާއި ދަރިފުޅު ޖެކީ ބަގްނީނީގެ ޕޫޖާ އެންޓަޓައިންމަންޓުން ހަދަން ނިންމާފައިވާ ފިލްމެކެވެ.
View this post on Instagram
1989 ވަނަ އަހަރު ވަނީ މި ނަމުގައި ފިލްމެއް ގެނެސްދީފައެވެ. އެ ފިލްމުން ފެނިގެން ދިއައީ އަމީތާބް ބައްޗަން އާއި ގޯވިންދާއެވެ. ގޯވިންދާ ވަނީ އެ ފިލްމްގައި ޑަބަލް ރޯލު ކުޅެފައެވެ.
