ފައިވާނުގެ ދަށްފުށް ކަފާލާ ފޯނާއި، ސިމްކާޑުގެ އިތުރުން ޗާޖަރެއް ޖަލަށް އެތެރެކުރަން އުޅެނިކޮށް އެތަކެތި އަތުލައިގެންފިއެވެ.
މިކަން ހާމަކުރީ ކަމިޝަނާ އޮފް ޕްރިޒަން އަހުމަދު މުހައްމަދުފުޅު ކުރެއްވި ޓުވީޓެއްގައެވެ. ޖަލަށް ފޯނާއި ސިމްފަދަ ތަކެތި އެތެރެ ކޮށްގެން ސްކޭމް ކޯލުތައް ހިންގުމާއި ގަވާއިދާއި ޚިލާފް އެކި ކަންކަން ކުރާ މައްސަލަތަކުގައި ކަރެކްޝަނުން ދަނީ ހަރުކަށި ފިޔަވަޅު ތަކެއް އަޅަމުންނެވެ.
ފައިވާން ދަށަށް ފޯނާއި، ސިމް އަދި ޗާޖަރު ލައިގެން ޖަލަށް ވައްދަން މަސައްކަތް ކުރީ ބަންދު މީހެކެވެ. މިމީހާ ކޯޓަށް ގެންދިއުމަށްފަހު އަނބުރާ ޖަލަށް ގެންދިޔައިރު ބައްދަލުކުރި މީހާ އާއިއެކު ފައިވާން ބަދަލުކޮށްފައިވާއިރު، އެފައިވާނުގެ ދަށްފުށް ކަފާލައި ފައިވާންގެ ތެރެއަށް ފޯނަކާއި، ސިމް ކާޑު އަދި ޗާޖަރު ހުރިކަމަށް ސިޕީވިދާޅުވިއެވެ.
ބަންދު މީހަކު ކޯޓު އަޑުއެހުމަށް ގެންދިއުމަށްފަހު އަނބުރާ ޖަލަށް ގެނައިއިރު، އޭނާ ބައްދަލުކުރި މީހަކާ ވަނީ ފައިވާން ބަދަލުކޮށްފައި. އެ ފައިވާނުގެ ދަށްފުށް ކަފާލާ ފޯނާއި، ސިމްކާޑުގެ އިތުރުން ޗާޖަރެއް ރަށްކާކޮށް ޖަލަށް ވައްދަން މަސައްކަތްކުރަނިކޮށް ވަނީ އަތުލާގަނެވިފައި.
– ސީޕީ ވިދާޅުވިއެވެ.
ބަންދުމީހަކު ކޯޓު އަޑުއެހުމަށް ގެންދިއުމަށްފަހު އަނބުރާ ޖަލަށް ގެނައިއިރު، އޭނާ ބައްދަލުކުރި މީހަކާ ވަނީ ފައިވާން ބަދަލުކޮށްފައި. އެ ފައިވާނުގެ ދަށްފުށް ކަފާލާ ފޯނާއި، ސިމްކާޑުގެ އިތުރުން ޗާޖަރެއް ރަށްކާކޮށް ޖަލަށް ވައްދަން މަސައްކަތްކުރަނިކޮށް ވަނީ އަތުލާގަނެވިފައި. pic.twitter.com/dSPyiZQirQ
— Ahmed Mohamed (@ahumadhumohamed) December 9, 2022
ޖަލަށް އޮޅުވާލައިގެން ވައްދާ ފޯނާއި، ސިމްފަދަ ތަކެތި އަތުލައި ގަތުމަށް ސަލާމަތީ ބާރުތަކުން ދާދިފަހުން ހިންގި އޮޕަރޭޝަނުގެ ތެރޭގައި ފޯނާއި، ސިމްކާޑާއި، މަސްތުވާތަކެތި ކަމަށް ޝައްކުކުރެވޭ ތަކެތިފަދަ މަނާ ތަކެތި ހޯދާފައިވާކަމަށް ކަރެކްޝަނަލް ސާރވިސްއިން ވިދާޅުވިއެވެ. ނަމަވެސް ޖަލުން ހޯދާފައިވަނީ ކިހާ ޢަދަދެއްގެ މަނާ ތަކެއްޗެއްކަމަށް އެ ސާރވިސްއިން ވިދާޅެއް ނުވެއެވެ.
