ބަތަލާ ކެޓްރީނާ ކައިފް ކައިރިން ނެށުމުގެ ޓިޕްސް ހޯދާ ކަމަށް ވިކީ ކޯޝަލް ބުނެފި އެވެ.
ވިކީގެ ކުރިއަށް އޮތް ފިލްމު "ގޯވިންދާ ނާމް މެރާ" އަކީ އޭނާ ތަފާތު ގޮތަކަށް ފެނިގެންދާނެ ފިލްމެކެވެ. މި ކޮމެޑީ ތްރިއަލާގައި ވިކީ އާއި އެކުގައި ދެ ބަތަލާ އަކު ފެނިގެންދާނެއެވެ. އެއީ ބޫމީ ޕަޑްނޭކަރް އާއި ކިއާރާ އަދުވާނީއެވެ.
މި ފިލްމުގެ ޕްރޮމޯޝަނުގެ ތެރެއިން ދިން އިންޓަވިއުއެއްގައި ވިކީ ބުނީ، ރިހާސަލް ނިންމާފައި ގެއަށް ގޮސް ކޮންމެ ދުވަހަކު ވެސް ކެޓްރީނާ އަށް ވީޑިއޯ ދައްކާ ކަމަށެވެ. އަދި ކެޓްރީނާ ކައިރިން ނެށުމުގެ ޓިޕްސްތައް ނަގާކަމަށް އޭނާ ވަނީ ބުނެފައިއެވެ.
އަދި ވީޑީއޯ ދެއްކުމުން ވަރަށް ރަނގަޅަށް ކިޔައިދޭ ކަމަށާއި އޭނާ ކެމެރާ ކުރިމަތީ ނަށަންވީ ކިހިނެއްކަން ވަރަށް ރަނގަޅަށް ކެޓްރީނާ ކިޔައިދޭ ކަމަށްވެސް ބުނެފައިވެއެވެ. އަދި ކެޓްރީނާ އަކީ ވަރަށް މޮޅު ނެށުން ތެރިއެއް ކަމަށް ވިކީ ވަނީ ބުނެފައެވެ. މީގެ އިތުރުން ކެޓްރީނާ އަކީ ވަރަށް ބިނާކުރަނިވި ފާޑުކިޔުންތައް ގެންގުޅޭ މޮޅު މީހެއް ކަމަށް ވިކީ ވަނީ ބުނެފައިއެވެ.
View this post on Instagram
އަންނަ މަހުގެ 16 ގައި ޑިޒްނީ ޕްލަސް ހޮޓްސްޓައިން ޕްރިމިއާ ކުރަން ހަމަޖެހިފައިވާ މި ފިލްްމް އަކީ ދަރްމާ ޕްރޮޑަކްޝަނުން ގެނެސްދޭ، ޝަޝާންކް ކައިތާންގެ ޑައިރެކްޝަނެކެވެ.
އަބަދުވެސް އަންހެނުންނަށް ވަރަށް ތައުރީފް ކުރާ ވިކީ އާއި ކެޓްރީނާ ކައިވެނި ކުރީ މިދިއަ އަހަރުގެ ޑިސެމްބަރު މަހުގެ 9 ވަނަ ދުވަހުއެވެ. އެދެމީހުން ކައިވެނީގެ ފަހުން އަންނަނީ ވަރަށް ބިޒީކޮން މަސައްކަތް ކުރަމުންނެވެ.
