ޖުޑީޝަލް ސަރވިސް ކޮމިޝަން (ޖޭއެސްސީ)އިން ބަލަން ނިންމާފައިވާ ސުޕްރީމްކޯޓުގެ ފަނޑިޔާރު އަލްއުސްތާޛު މަހާޒް އަލީ ޒާހިރުގެ ސުލޫކީ މައްސަލައިގެ އަޑުއެހުން ޢާންްމުކޮށް ހުޅުވާލައިގެން ބޭއްވުމާމެދު ގޮތެއް ނިންމުމަށް ބައްދަލުވުމެއް ބާއްވާނެކަމަށް ޖޭއެސްސީން ބުނެފިއެވެ. ސުލޫކީ މައްސަލައިގެ އަޑުއެހުންތައް އާންމުކޮށް ހުޅުވާލައިގެން އިންސާފުން ގެންގޮސްދިނުމަށް މަހާޒް ވަނީ އެދިވަޑައިގެންފައެވެ. ނަމަވެސް ޖޭއެސްސީން ބައެއް މީޑިއާތަކުގައި ބުނެފައިވަނީ އެކޮމިޝަނުން ގޮތެއް ނިންމާނެކަމަށާއި، އެގޮތެއް ނިންމުމަށް ބައްދަލުވުމެއް ބާއްވާނެކަމަށެވެ. އެގޮތުން އެގޮތެއް ނިންމާނީ ކޮމިޓީއަކުންކަމަށެވެ.
ސުލޫކީ މައްސަލައިގެ އަޑުއެހުންތައް ހުޅުވާލައިގެން ކުރިޔަށް ގެންގޮސްދިނުމަށް ފަނޑިޔާރު މަހާޒް އެދިވަޑައިގެންފައިވަނީ، އޭނާގެ ސުލޫކީ މައްސަލައެއް ތަހުގީގުކުރަން ފެންނަކަމަށް ޖުޑީޝަލް ސާވިސް ކޮމިޝަނުން ނިންމައި އެ މައްސަލައިގެ ތަހުގީގު ކޮމިޓީ އެކުލަވާލައިފައިވާކަން ޖޭއެސްސީން ހާމަ ކުރުމާއެކު، އަމިއްލަފުޅު ޓުވިޓަރ ހޭންޑްލްގައި އާންމު ކުރެއްވި ސްޓޭޓްމަންޓެއްގައެވެ.
މަހާޒަ އާންމުކުރެއްވި ސްޓޭޓްމަންޓުގައި އޭނާ ވިދާޅުވެފައިވަނީ، ކޯޓުގެ އަޑުއެހުންތައް ދިގުލައިގެން ދާތީ، މައްސަލަ އޮންނަ ކޮންމެ ދުވަހަކުވެސް މައްސަލަ ބަލާ ބެންޒުގެ ފަނޑިޔާރެއް އަނެއް ދެ ފަނޑިޔާރުންނާއެކު މެންދުރު ކާން އަމިއްލަ ޚަރަދުގައި އެއްޗެއް ގެންނަ ކަމަށެވެ.
އެގޮތުން ދައުރުވަމުން އައިސް ނޮވެމްބަރު 30ވަނަ ދުވަހު ތަނަކަށް އޯޑަރު ކޮށްގެން ކާއެއްޗެއް އޭނާ ގެންވި ކަމަށާއި، އެއީ ރިސެސްގެ ކުރިން ހުރިހާ ފަނޑިޔާރުންނާއި އެންމެ ފަހުން އެއްތަނަކުން ދިމާވާނެ ފަހު މަސައްކަތު ދުވަސް ކަމުގައިވާތީ ހުރިހާ ފަނޑިޔާރުންނަށް އަމިއްލަ ޚަރަދުގައި މެންދުރު ކާން ދެއްވި ކަމުގައެވެ. އަދި ކޭން ބެއްލެވިއިރު ކާތަކެތި ގެނެސްފައިވަނީ ކޮންތަކުންކަން ހުރިހާ ފަނޑިޔާރުންނަށްވެސް އެގޭނެކަމަށާއި، ހުރިހާ ފަނޑިޔާރުންވެސް ކޭން ބެއްލުވުމަށްފަހު ކާއެއްޗެހި މީރުވާހަކަ ވިދާޅުވި ކަމަށެވެ.
އޭގެ އިތުރުން މަހާޒު ވިދާޅުވެފައިވަނީ ކެއުމުގެ އިންތިޒާމް ހިމެނޭހެން މާދަމާ ޝަރީއަތް އޮންނަނަމަ މިރޭ މާދަމާގެ ހުރިހާކަމެއް އޮންނާނީ ދުރާލާ ނިމިފައިކަމަށާއި އެކަމަކީ ސިއްރިޔާތުގައި ކޮށްފައިވާ ކަމެއް ނޫންކަމުގައެވެ.
މަހާޒު ވިދާޅުވީ އެދުވަހު ކާއެއްޗެހި ގެނެސްފައިވާނީ އަމިއްލަ ޚަރަދުގައި ކަމަށާއި ކާއެއްޗިއްސަ ފައިސާ ދެއްކެވި ސްލިޕްވެސް އޮތްކަމަށާއި ކާއެއްޗިއްސަކީ ހިލޭ ނުވަތަ ނުއަގުގައި ގެނައި އެއްޗެވި ނޫންކަމަށެވެ.
މިގޮތުން، އެދުވަހު ކަން ހިގައިދުތަ ގޮތް ކިޔައިދެއްވަމުން މަހާޒުގެ ޓުވިޓަރ ސްޓޭޓްމަންޓުގައި އޭނާ ވިދާޅުވީ ކެއުމަށް ގެނެސްފައިވަނީ ވަކި ޚާއްސަ އެއްޗެއް ނޫންކަމަށާއި، އަމިއްލައަށް އޯޑަރު ދިނުމުން، ދިންފަރާތުން އޭނާއަށް ގުޅުއްވާނެތީ އެތަނުގެ ނަމްބަރު އިދާރީ ކުއްޖަކަށް އެތަނުގެ ނަންބަރު ދެއްވި ކަމަށެވެ.
ސުޕްރިމް ކޯޓުގެ ފަނޑިޔާރު މަހާޒްގެ ސުލޫކީ މައްސަލައެއް ބެލުމަށް ނިންމާފައިވާކަން ހާމަކުރުމަށް ޖޭއެސްސީން ނެރުއްވި ބަޔާނުގައި ވިދާޅުވެފައިވަނީ، ސުޕްރީމް ކޯޓުން ބެއްލެވި އިސްތިއުނާފަކާމެދު އެ ކޯޓުން ހުކުމް ކުރި ގޮތާ ގުޅިގެން އެކަން ފާހަގަކުރުމަށް، އެ އިސްތިއުނާފުގައި ހިމެނޭ ޚަޞްމަކާ ގުޅުން އޮންނަ ފަރާތަކުން ފޮނުވި ފަރީއްކޮޅު، އެ ޝަރީއަތް ހިންގުމުގައި ބައިވެރިވި ސުޕްރީމް ކޯޓުގެ ފަނޑިޔާރު އަލްއުސްތާޛު މަހާޒު އަލީ ޒާހިރު ޙަވާލުވެވަޑައިގެންފައިވާކަމަށް ބުނާ މައްސަލައެއް ފަނޑިޔާރު އަލްއުސްތާޛު މަހާޒް އަލީ ޒާހިރުގެ ސުލޫކީ މައްސަލައެއްގެ ގޮތުގައި ތަހުގީގުކުރަން ފެންނަކަމަށް އެ ކޮމިޝަނުން އިއްޔެ ނިންމައި އެ މައްސަލައިގެ ތަހުގީގު ކޮމިޓީ އެކުލަވާލައިފައިވާކަމަށެވެ.
