މިދިއަ ސެޕްޓެމްބަރު މަހުގައި 9 ވަނަ ދުވަހުގައި ރިލީޒްކުރި ފިލްްމް "ބްރަމަސްތުރާ" ގެ 10 މިނިޓް ބެލުންތެރިނަށް ދޫކޮށްލައިފިއެވެ.
މިމަހުގެ ދެވަނަ ދުވަހުގައި ފާހަގަ ކުރި ޝާހުރުކް ގެ 57 ވަނަ އުފަންދުވަހާއި ދިމާކޮށް ބެލުންތެރިނަށް ވަނީ މި ފިލްމްގެ 10 މިނިޓް ދޫކޮށްލައިފައިއެވެ. މި ފްލްމް އަކީ އަންނަ ހުކުރު ދުވަހުގައި ޑިޒްނީ ޕްލަސް ހޮޓްސްޓާއިން ޕްރިމިއާ ކުރަން ނިންމަިއފައިވާ ފިލްމްވެސް މެއެވެ.
އެގޮތުން 10 މިނިޓްގައި ބޮޑަށް އޮތީ ޝާހްރުކް "ބުރައްމަސްތުރާ" ގައި ކުޅުނު ސައިންޓިސްޓްގެ ރޯލު މޯހަން ބަރްގާވްގެ ކެރެކްޓާއަށެވެ. މި ފިލްމަކީ ކަރަން ޖޯހަރްގެ ދަރުމާ ޕްރޮޑަކްޝަނަށް އަޔާން މުކަރްޖީ ލިޔެ، ޑައިރެކްޓްކޮށް ގެނެސްދޭން ހަމަޖެހިފައިވާ ފެންޓަސީ، އެޑްވެންޗަ ޓްރިލޮޖީގެ ފުރަތަމަ ބައެވެ.
ފިލްމްގެ ޑައިރެކްޓަރު ވަނީ އެ ކެރެކްޓާ އަށް ހާއްސަ ކޮށްގެން އިތުރު ފިލްމް އެއް ހަދާނެ ކަމުގެ އިޝާރާތެއްވެސް ދީފައިއެވެ. އަދި ފިލްމްގައި ޝާޙު ކުޅުނު އެ ބަޔަށް ގިނަ ބައެއްގެ ތައުރީފްވެސް ވަނި ލިބިގެންގޮސްފައިއެވެ.
"ބުރައްމަސްތުރާ: ޕާޓް ވަން-ޝިވާ" ގެ ލީޑް ތަރިންނަކީ ރަންބީރް ކަޕޫރާއި އާލިއާ ބަޓެވެ. އިތުރު ކާސްޓުންގެ ތެރޭގައި މޯނީ ރޯއި، އަމީތާބް ބައްޗަން އަދި ނާގުރްޖުނާ އަކިނޭނީ ހިމެނެ އެވެ.
